【甜品控挑戰💥】甜品師傅都被考起😥?

#睇片 自問鍾意食蛋糕嘅您對蛋糕嘅了解有幾多👀？《社群》準備咗一個測驗，立即去片睇吓究竟您識唔識答😆！ ------------ 1️⃣拿破崙蛋糕同拿破崙先生有無關係？ 🌟答案：D. 無關係 ▶“拿破崙蛋糕”同拿破崙先生其實係無關係架。拿破崙蛋糕嘅官方名應該叫法式千層酥，法文名係mille-feuille，英文名係“Napoleon”。 其實拿破崙蛋糕裏面嘅酥皮最早係來自意大利城市那不勒斯（Naples），而呢種酥皮的名係Napolitain，因爲同拿破崙（Napoleon）發音好接近，跟著就被誤解為拿破崙的名稱，實際上蛋糕同拿破崙係無關係架。  ------------ 2️⃣喺德國，如果甜品師無用車厘子酒整黑森林蛋糕，會有咩後果？ 🌟答案：B. 坐監 ▶黑森林蛋糕喺德國已有超過50年嘅歷史，係德國嘅代表性甜品之一。喺2003年，德國政府為黑森林蛋糕起咗法規－「國家糕點管理法」。根據呢項法規，販售時如果想用「黑森林蛋糕」命名，就必須滿足以下嘅條件： 1)黑森林蛋糕裡面嘅車厘子酒含量必須能夠明顯食得出有酒味。 2)蛋糕內餡要包括鮮奶油同車厘子，每公斤鮮奶油至少必須含有50毫升以上嘅車厘子酒，酒精濃度仲需要達到40~50％。 3)蛋糕體必須係朱古力戚風蛋糕，可可含量至少要有3％，蛋糕底層亦要使用酥脆嘅薄派皮。 4)蛋糕外層要用鮮奶油包住，同埋要用朱古力碎屑點綴裝飾。 據説喺德國，有一位顧客因為喺買黑森林蛋糕時發現車厘子嘅份量太少，就對果間蛋糕店提起咗訴訟。呢件事引起咗德國政府嘅關注，跟住搞到對呢種具有國家象徵意義嘅蛋糕需要遵守相關標準嘅規定。喺德國，如果甜品師未按照規範整黑森林蛋糕，但係照叫佢做黑森林蛋糕或者作為商品進行銷售嘅話可能會導致法律問題，甚至有機會坐監添。 ------------ 3️⃣喺世界盃甜品大賽，甜品師要喺幾多小時内完成作品？ 🌟答案: B. 10小時 ▶‘Coupe du Monde de la Pâtisserie’-甜品界嘅世界盃，係一項代表世界各地所有糕點行業嘅國際盛會。具體嘅比賽項目可能會每一屆都有啲唔同。例如，會由3位專門領域嘅甜品師迎接各自領域嘅唔同挑戰。同埋要跟大會規定嘅順序完成比賽作品。3位師傅包括負責朱古力工藝品製作同甜點嘅朱古力師傅 (chocolatier)、負責冰雕工藝品製作同水果雪糕甜點嘅雪糕師傅 (Glacier)、同埋負責拉糖工藝品同盤飾甜點製作嘅甜品師傅(Pâtissier) 。要喺10 個鐘裡面依照大會規定嘅時間同順序完成比賽作品。選手除咗製作自己負責嘅項目外仲要協助隊友完成最後嘅擺盤。每個隊員都要掌握隊友之間嘅工作進度同製作流程，因為一啲小失誤都可能會延誤時間同埋影響到成個隊伍嘅總成績，所以隊員之間係要非常有默契同團結。 ------------ 《社群》送禮活動： 🔻千層蛋糕100件／泰式蛋糕 200件 🔻摺疊行李箱／4000購物禮券x 美妝福袋 🍰「50間本地蛋糕店指南」登場！