旺角茶記心水選🩷👍

旺記冰室 (鴻輝大廈B座) 🍽旺角通菜街2Q-2Z號鴻輝大廈B座地下7號舖 旺角茶餐廳•首推旺記 行開旺角想平靚正食個茶記， 暫時心目中首選推介呢間旺記。 有茶餐廳既效率， 但環境好坐、新淨、衛生、整潔， d座位都好好，唔會放得太迫， 唔似其他會背貼背咁有壓迫感。 最正係佢牆嘅兩邊好多好有本地特色既貓貓插畫， 可以一邊食，一邊觀賞埋靚畫！ 呢度嘅炒蛋亦係水準之上，好好食。 叉燒蛋飯亦值得一試。 🥢 日本滑蛋叉燒蝦仁雙拼飯 $64 炒得好靚嘅滑蛋！ 一大片富有蛋香既滑蛋鋪喺飯上面， 叉燒半肥瘦剛剛好，蝦大大隻， 配埋特製嘅甜豉油， 的確不錯。 香港地道特色既熱奶茶，呢度都沖得不錯。 天氣熱，飲杯椰汁紅豆冰都夠爽！ 唔同其他茶餐廳 ，紅豆冰上面加左好大pat cream，正！🥰 #香氣四溢 #香港美食 #旺角美食 #旺角 #茶餐廳 #奶茶 #滑蛋