《大阪燒自己燒🔥上演真人版𝖼𝗈𝗈𝗄𝗂𝗇𝗀 𝗆𝖺𝗆𝖺》 一直都因為怕大阪燒好飽滯，知佢開咗都未嚟試過 點知今次食過先發現好有驚喜，有得玩又有得食😚 見到佢嘅放題都係$200幾蚊，已經包咗鐵板燒、前菜、御好燒同甜品等等，都真係幾抵玩🤘🏻 . 📍二人分享套餐（$398) 𝖲𝖾𝗍 𝖿𝗈𝗋 2 2人餐包咗御好燒➕廣島燒➕牛油墨魚➕肉類➕沙律➕甜品 . 🔻肉類雜錦御好燒 有齊豬牛雞3款肉，撈埋蔬菜、蛋同麵漿 有晒指引其實做法好簡單🤘🏻 將材料撈勻，每邊煎5分鐘，𝗍𝗈𝗍𝖺𝗅 15 𝗆𝗂𝗇 加上燒汁、沙律醬、海苔粉同柴魚片就搞掂 食落鬆軟加上上醬汁都幾惹味😋 . 🔻廣島燒 呢款多咗個麵底，材料有魷魚乾、大量椰菜、蛋同豬腩片 做法複雜少少，材料同餅底要分開燒 麵質粗身彈牙，豬腩片同魷魚乾燒完好香🐖🦑 燒完成個巨型漢堡包咁🍔😂 味道唔錯，飽肚感仲強啲添 . 🔻牛油墨魚仔 墨魚仔口感爽脆，加上牛油燒完好香口🧈 . 🔻牛板腱 除咗牛可以揀豬腩肉&雞肉，牛肉薄切水準正常 . 🔻粟米沙律 🔻飲品2杯 可以加錢嗌特飲，我哋飲嘅柚子梳打特飲加咗球柚子雪糕，推薦💛 . 🔻甜品 （+$10） 本身係雪糕，我哋加錢轉做雪糕芭菲🍨 牛乳味好濃，食完勁滿足❤️ . 食物自己落手燒完好似特別好味 不過有需要都可以搵店員幫手😆手殘都唔使怕 . ⚠️我哋仲發現咗個優惠！想去食嘅記得睇埋👇🏻 去朗豪坊 𝖯𝖮𝖯 𝖴𝖯 𝖾𝖲𝖳𝖮𝖱𝖤可以用75 折買到$100道頓堀御好燒 電子現金券🎫，即買即用! . 其他超過50個朗豪坊商場內嘅品牌都有參與，有啲仲低至 7 折🛒，電子券係限量發售，趁未賣晒好快啲去睇吓啦 . 詳情自己上朗豪坊𝖯𝖮𝖯 𝖴𝖯 𝖾𝖲𝖳𝖮𝖱𝖤網頁睇啦🔎😆 estore.langhamplace.com.hk . 道頓堀御好燒專門店 (朗豪坊) (旺角) 旺角亞皆老街8號朗豪坊11樓13號舖