黃埔型格Cafe —— 咖啡店 X 髮型屋

依間喺黃埔嘅Cafe以咖啡店crossover髮型屋做招徠，一入到去就係咖啡店，裡面嘅位置就係髮型屋。因為由2022嘅Hong Kong Cup Taster Championship冠軍主理，所以開業冇耐嘅時候已經去過一次，之後斷斷續續都有去過幾次，不過都係飲咖啡多，今次見到佢有個期間限定嘅Set Menu就諗住去試下。 【洋蔥汁蘑菇芝心牛蛋漢堡 配半份薯角（蛋黃醬）】｜$138 睇個Menu同埋其他人影嘅相好吸引，但今次去食嘅時候理想同現實好似有啲分別😂 睇Menu嗰個係太陽蛋，我嗰個就變咗全熟蛋，啲蛋汁一上碟已經流晒喺個碟度😂 味道方面就不過不失，牛肉偏細，所以其實唔係好食到牛肉嘅味，反而大啡菇幾大，juicy，但就覆蓋咗牛嘅味道。另外個芝士分量恰當，可以同其他材料融合一齊。 加咗半份薯角，分量多到好似一份咁，唔知店員錯手比多咗我定真係咁嘅分量，想像唔到加一份係會有幾多🤯 急凍薯角加熱得唔夠耐，好快就凍咗，配蛋黃醬食冇咁乾，味道還好。 【冷泡咖啡】｜$58 今期嘅冷泡咖啡係由拼配豆浸泡，但咖啡師唔清楚係用咩豆拼配，所以俾咗少少我試下，飲落重黑朱古力味同埋焦糖味，唔錯，不過serve嘅時候建議唔加冰會好啲。 總結：覺得佢設計Menu上／擺盤上係有心思嘅，但味道上就比較普通，想去打卡嘅朋友都可以一試🤣 #熱門菜式#食咗先講#打卡美食挑戰#香港美食#打卡#美食#打卡美食#黃埔美食#相機食先#咖啡#咖啡店#Cafe#西餐 Duet Cuts & Cups 📍 紅磡黃埔天地百寶坊(第3期)地下G28號舖 位置／環境： 8.5 / 10 食物質素： 7.5 / 10 性價比：7 / 10 服務： 7.5 / 10 會再去嗎？： MAYBE