好耐無幫襯過呢間西餐廳,今晚心血來潮想食漢堡,諗到呢間嘅晚餐有得食,就滿心歡喜試下 晚餐加多$30可以有餐湯/沙律 +汽水/冰茶 選擇餐湯,今晚係磨菇忌廉湯,指定動作係送上餐前麵飽,配以牛油都唔錯。 個湯都相當杰身,入口有磨菇碎粒,充滿菇味,並且都幾飽肚。 係我哋差唔多飲完個湯,個主菜車打芝士牛肉漢堡配牛油果蓉/煙肉 ($145)就上枱,相當快速。 賣相幾精美,唔少得有佢嘅拍檔薯條一齊上陣 選配牛油果蓉代替煙肉,個漢堡本身唔算話好大個,中間除咗有牛肉,仲有芝士蕃茄加生菜同酸瓜,應有嘅都有 入口係凍嘅,一咬D肉碎開,但肉嘅質感係軟身,飽身係鬆軟,見到邊位有D燶邊,即係佢有煎過嘅,但可惜放凍咗,即係個漢堡唔係即叫即製......OH NO! 個薯條又凍又腍,究竟發生過什麼事...........................?! 杯冰茶係熱情果味,已經叫咗要少冰,但你有你叫,黎到都係唔少嘅,眼望以為係濃味啦?! 又錯喎,食到少少熱情果籽,果味甚淡,若果唔甜你係BUY嘅, 咁佢做到啦! 總括黎講,百幾蚊食呢個漢堡餐,水準達不到價錢嘅五份一,把鬼。 #food #foodie #foodstagram #foodporn #burger #cafe #hkig #tko #社群時間囊#2023願望清單

地址
Simplylife Bakery Cafe
號 PopCorn G43-G45, 9 Tong Yin St, Tseung Kwan O, 香港
評分
3/5
下一篇載入中