⭐️台北⭐️富富⭐️必去打卡 復古昭和風 甜品cafe😍

#casualeateateat台北 台北出名多野食😋Soy Egg 同9 Flag 衝出香港，介紹一間台北超有feel既甜品cafe👀 野好食 環境靚😋 富富 甜品cafe 必試: 焦糖布丁 太妃糖香蕉巧克力戚風蛋糕 環境🌟：5 食物🍽️：5 服務🧑：5 價錢💰：人均TWD 500 是但總結: 超級推介😍 是但食評🌟💬 ✰環境 復古昭和風 超打卡able📷😍 鋪頭入邊行緊復古昭和風，周圍都有木🌳既元素，配合埋柔和既黃燈，好似去左第二個空間咁，好舒服，好平靜。果日仲要落住毛毛雨🌧️，慢慢嘆杯咖啡☕，望住窗出邊，好似D文藝片主角咁，好鬼正😍 ✰哈密瓜青檸巴菲 🍈🍋🍨 層次豐富 用心配搭😋 賣相已經99分，最頂層係青檸雪葩🍋，除左酸味，仲會食得出微微青檸皮既苦澀味，單食可能會覺得太酸，但加埋其他配料一齊食就岩岩好。第二層係哈密瓜🍈同cream，哈密瓜清甜，cream就無咩特別，下層有D脆脆同jelly，每一啖都有唔同口感同味道😋 ✰焦糖布丁🍮 完美布丁😍 布丁🍮既質地屬於扎實，入口順滑，蛋香十足🥚😋好 鍾意個焦糖帶住微微既苦味，唔會死甜，又唔會過苦，苦甜比例恰到好處😍加上cream 做個平衡，無咩位可以挑剔😍 ✰可麗露🍞 酥脆 濕潤😋 有整過可麗露既朋友仔都知，可麗露要整得好真係唔易，有時會整得唔夠脆，一係就焗到變晒樣。 但依間整得好好，外型靚仔，脆度同甜度都剛剛好，外層酥脆，入邊濕潤，咬落去，有小小似岩岩煎好既黃金糕既感覺😋 ✰太妃糖香蕉巧克力戚風蛋糕🍌🍫🎂 完美比例😍 太妃糖醬🍬幫個蛋糕額外加左好多分，平時好驚依D甜到死既醬，但依個太妃糖醬加埋個朱古力蛋糕🎂，甜度竟然岩岩好。 本身朱古力蛋糕同個cream都帶小小朱古力既苦味，單食會覺得唔夠甜，但配埋太妃糖醬就剛剛好。 一入口，太妃糖🍬香蕉🍌同朱古力🍫同一時間爆出黎，又唔會互相搶戲，戚風蛋糕本身又夠濕潤，仲有小小穀類脆脆同朱古力脆脆，無論口感上，味道上口感上都平衡得好好😍 地址：100台灣台北市中正區開封街一段95巷3號 #香港美食#台北美食#中正美食#台北#台北#台北咖啡店 #台北推薦