山姆究竟有咩吸引力!?

山姆會員商店 Sam's club 📍深圳福田 前海 龍華 ━ 最近山姆嘅熱度唔洗多講了🙉 weekend去嘅話 福田店完全是推唔郁購物車的狀態😰  究竟點解要咁遠北上行超市呢 我估大家去一次就明了🤣 睇咩都有新奇感 真係會控制不住雙手 極大購物車都裝得滿~ 這篇主要想介紹一下行超市的攻略 之後亦會為大家推薦一些山姆好西~ ps唔好睇小試食 食完真係會有想買嘅衝動 都好佩服佢地咁大方比試食🙈 ━ 🎫 會費 ▸會員卡 ¥260/年 辦卡贈送$50現金券與$15運費券 ▸卓越會員卡 ¥680/年 可額外享2%返利 ▸港澳居民要到現場辦理會員卡 ▸辦卡均可得親友卡 可轉贈給家人 ▸入場 埋單均需出示會員卡 (ps福田&龍華店入場時可渾水摸魚入場但埋單仍必須會員二維碼; 前海店需掃會員碼才能入場) ▸通常小紅書等有不少人可幫帶入&埋單 約¥5/1次 除非每星期都來否則不建議辦會員🙌🏻 ▸親友卡其實與普通會員卡冇太大分別 可以與朋友夾錢~ ━ 💰 優勢 ▸山姆的商品分量大 適合多人家庭  ▸商品質量比起一般超市高 亦有不少進口產品選擇 某些商品性價比頗高 但某些與香港差異不大~ ▸自己生產的熟食&料理包&甜品&麵包很網紅🤣 有幾款味道確實不錯 ▸職員熱情 試吃大方(前提是人少的時候) ▸推出新品速度頗快 ━ 🚗 交通 ⭐ 福田山姆 ▸香港直通車  ▸福田口岸免費接駁巴士(福田歡樂購A) (平日不運行) ▸地鐵②號線僑香站步行10分鐘/⑦號線農林站步行15分鐘 ⭐ 前海山姆 ▸香港直通車  ▸深圳灣口岸免費接駁巴士  ▸地鐵①號線鯉魚門站步行10分鐘 ⭐ 龍華山姆  ▸香港直通車  ▸福田口岸免費接駁巴士(龍華文旅專線A) (平日不運行) ━ 👅 試食攻略 ▸平日時間10點後便有不少試食 有啲製作需時嘅大概十幾分鐘1 round 派曬就要等下一轉啦~ ▸試食品項其實app可以見到 大概半個月為週期更換 通常比較多當月新品 ▸亦不定時會有特別品項(可能是因為臨期賣不出🤣) 試過yogurt 果汁 比成個你 誇張!  ▸認住店員和鐵推車便能找到! 而熟食區如牛扒三文魚等試吃就會有鐵板攤位 ▸人不多的話可以詢問能否多拿給同行者 不過人多時人手一份 排隊就不要周圍逛了~ ▸最實用攻略:不要怕醜! #深圳一日遊 #深圳好去處 #大型超市 #深圳購物 #深圳超市 #山姆會員商店 #山姆會員店 (此文章由U Blog 同步發佈至社群)