深圳森林風浪漫西餐🌳

睇到小紅書呢間好啱打卡慶祝嘅西餐廳，全場都用植物佈置，加上木枱感覺好有聖誕氣氛，環境舒服，情人節嚟慶祝都好適合 👩🏻‍🤝‍👨🏼雙人餐¥298 🌿春日花束沙拉💐 情人節必點😚 沙律用奇異果、草莓、無花果、芒果、火箭菜等整成花束造型，用料非常有心思，同女朋友食順便送埋情人節花😜 🌿忌廉南瓜香蕉湯🍌 之前未飲過香蕉湯，原來香蕉都可以整湯🤣口感綿滑香甜，南瓜同香蕉出奇地夾 🌿美國安格斯精選西冷🥩 西冷揀左5成，店員會幫忙點火，可以邊食邊加熱到自己想食嘅熟成度，牛扒塗上蒜茸牛油，又香又嫩😚食完仲想再食 🌿巴馬臣蕃茄牛肉醬意粉🍝 牛肉蕃茄醬濃郁香甜，表面放上溫泉蛋，令意粉更加creamy 🌿法式焦糖燉蛋🍮 燉蛋份量夠兩人食，表面焦糖唔係燒得好脆，蛋漿幼滑，偏甜 🌿繽紛水果茶🍊🍎 🌿青蘋果羽衣甘藍🍏 📍JFARM 農場西餐 深圳市龍華區景龍社區壹方天地B區L2-013 深圳地鐵4號線龍華站A出口1.2km #深圳美食#深圳cafe推介#深圳攻略#深圳探店#深圳好去處