九份必到超靚景點! 宮崎駿《千與千尋》場景-阿妹茶樓

九份係一個好靚嘅山城,依山而建有好多復古建築,除咗橫街窄巷嘅九份老街特色小食店同手信店,「阿妹茶樓」係其中一個超有名嘅景點。據講呢個九份區域係宮崎駿嘅《千與千尋》動畫場景嘅靈感來源,而「阿妹茶樓」因為同動畫場景嘅建築好似,所以吸引咗好多世界各地嘅宮崎駿動畫迷嚟影相打卡。 阿妹茶樓喺山路樓梯旁邊,係一座兩層高,好有日式同中式古典感嘅歷史建築,聽聞仲保留住採礦時代嘅特色。茶樓用木材建造,茶樓紅色招牌同埋滿滿高掛紅色嘅燈籠互相照襯,真係好靚,行過嘅人都會停低腳步欣賞同影相,超受歡迎。阿妹茶樓附近有不少日式氛圍濃厚嘅老建築,加上屋頂上掛嘅大紅燈籠,仲有地勢陡峭嘅九份大街小巷,一睇之下「阿妹茶樓」同動畫入面嘅「油屋」等場景真係有啲相似嘅感覺。😍🤩🏮🏮🌌🤔 唔怪得吸引咗咁多宮崎駿嘅動畫迷嚟到九份潮聖。 阿妹茶樓嘅二樓有半開放露天座位,好靚,係度除咗飲茶仲可以配埋手工茶點一邊食,一邊俯瞰遠處海灣同街道嘅美景,仲可以見到基隆港同太平洋海岸嘅風景!😍🌇🌅 不論係日頭定係晚上,呢度都可以睇到九份美不勝收嘅山城同海景,真係好推介你同伴侶或親友一齊試吓悠閒咁一邊飲茶聊天,一邊欣賞呢度迷人嘅景色😍。 阿妹茶樓 A-MEI Tea House 📍新北市瑞芳區市下巷20號 營業時間:星期一至日 10 am - 9:30 pm 推介程度:❤️❤️❤️❤️❤️ #九份 #必到 #潮聖#阿妹茶樓 #油屋#千與千尋 #宮崎駿#基隆港 #海景 #超靚景點 #景點 #台灣 #台北 #taipei #自由行 #必去 #好去處 #熱門菜式 #打卡 #攻略 #chill #週末 #快閃之旅#快閃

地址
阿妹茶樓
224台灣新北市瑞芳區市下巷20號
評分
5/5
G
下一篇載入中