香港最佳的秘魯餐廳 —— ChullsChick

假日同朋友去咗灣仔月街食個late lunch，可能因為唔係lunch hour，所以店舖入面冇乜人，同朋友可以靜靜地咁傾下偈💬 第一次食秘魯菜，都唔係好知應該嗌咩嘢食好，好隨意咁嗌咗個秘魯烤雞同埋秘魯生漬魚，後來發現原來依兩樣係食秘魯菜必食嘅菜式(?)😮 【招牌秘魯烤雞半隻 ｜配菜： 烤蕃薯、蒜香飯】｜$158 雞肉唔算嫩滑，但亦都唔柴～ 有一陣獨特嘅香料味，配埋黃辣椒醬一齊食，幾惹味😋 配菜揀咗「烤蕃薯」同埋「蒜香飯」，烤蕃薯好香甜、飯好有蒜香味！🤤 另外因為依個係lunch set所以包咗個餐湯，不過唔係好飲得出係咩湯，比較淡口少少。 【秘魯生漬魚】｜$160｜👍🏻 秘魯生漬魚用咗秘魯嘅特別醬汁 ——Tiger’s milk嚟醃製，一開始食落去個酸度有少少刺激，不過食咗幾啖適應咗就OK～ 海鱸魚都切得幾大舊，肉質有少少彈牙，帶柑橘嘅酸味同埋少少辣。除此之外，仲有好多配菜：沙律菜、洋蔥、粟米、蕃薯，撈埋一齊食好清爽！🍋 總結：好適合假日嚟放鬆下、食下啲特別啲嘅菜式～ 暫時試過嘅都覺得幾啱香港人嘅口味😋 已經好想下次再試多啲唔同嘅菜式👯‍♀️ #熱門菜式#食咗先講#打卡美食挑戰#香港美食#打卡#美食#打卡美食#灣仔美食#相機食先#生活足跡#夏日打卡日常 #夏日打卡挑戰#食好西 ChullsChick 📍灣仔月街2-12號地下D,E,F號舖 位置／環境：7.5 / 10 食物質素：8 / 10 性價比：7 / 10 服務： 7 / 10 ✨Overall： 7.4 / 10✨ 會再去嗎？： YES