抹茶牛乳冰與火

天氣日日都咁熱，唔可以行好耐，最舒服就係坐係間咖啡店再食杯雪糕。 今日行過黃埔船，見到Komeda's Cafe, 見佢裝修得好簡約舒服，之後同阿女入去食個下午茶。 見到有個軟雪糕加麵包嘅組合，叫做抹茶牛乳冰與火，阿女嗌住話好想食，好，咁就試下呢款啦！ 份包都幾大個，仲切開左6件，上面係軟雪糕，一冰一火，好彩冇牙痛啫😅。 抹茶牛奶雪糕香軟好味，底嘅丹麥麵包，都幾酥脆，幾好食，仲可以加埋附上嘅糖漿，甜甜地味道幾夾，阿女就緊係食唔停口啦！