/ 𝑺𝑯𝑰𝑶𝑲 /

// 08 02 24 晴天🌞 20:30 旺角 The FOREST @atumshiok 「新加坡」英文叫做𝘚𝘪𝘯𝘨𝘭𝘪𝘴𝘩,係融合福建話、馬拉話、印度話而成。雖然,呢種獨特嘅英文,唔係人人都識。但以下呢個字,相信去過「新加坡」旅行嘅朋友都應該有聽過。 𝘚𝘩𝘪𝘰𝘬 —— 齋睇拼音大約可以估到係個「爽」字,但原來當地嘅後生仔,除咗用嚟形容「爽」之外,仲會形容埋「好好味」嘅意思。 所以,如果下次喺「新加坡」聽到呢個字,你同我都知道附近一定有好嘢食啦! 🔻星加坡辣椒蟹肉配4件饅頭 HKD$168 ꕀ 有大量已拆殼嘅蟹肉 食起嚟超級爽 醬汁唔算好辣 反而有類似咖喱混合蕃茄嘅味道 另外 饅頭全部炸到金黃色 當淋上蟹肉同醬汁 每一啖都集齊 香、脆、軟 呢三種感覺 推介必食之選 🔻辣死你媽 HKD$118 ꕀ 燒雞髀大隻、多肉 兼且外皮酥脆 跟鹹鮮香辣嘅叁巴醬 非常合襯 個人覺得呢款叁巴醬嘅味道 係我暫時食過最濃郁嘅 另一重點椰漿飯 入口微微濕潤 當中散發住淡淡嘅椰香 再配埋脆卜卜嘅魚仔乾同花生 口感可以話係相當豐富 🔻炸雞皮卷配叁巴醬 HKD$82 ꕀ 炸雞卷入口熱辣辣兼彈牙 要讚雞皮夠薄、夠香脆 裏面包住嘅雞肉 更加係嫩滑多汁 再蘸上有蝦米鹹鮮嘅叁巴醬 簡直惹味到爆 🔻珍多尖蕊龍鬚冰 HKD$46 ꕀ 賣相特別、有趣 最頂由三色龍鬚絲 砌成一個大球狀 而底下嘅椰汁 配搭色彩繽紛嘅粉條 用嚟打卡絕對夠晒吸睛 🔻虎咬獅 HKD$46 ꕀ 馬來西亞特色飲料 等於美祿溝咖啡 除咗有炭燒咖啡嘅香氣 仲夾雜住美祿嘅香甜 甜度控制得十分好 飲完唔會覺得漏 ꕀ #旺角#TheFOREST#獅叔#UCreatorHK#BESTFOODwithUCreator#MOMENTSwithUCreator 🪴有興趣可以follow我嘅IG:Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_s

平均消費
HK$230
地址
獅叔Shiok Restaurant by ATUM
香港旺角奶路臣街17號The FOREST1樓110-111號舖
評分
5/5
😍
👍
下一篇載入中