【尖沙咀】超高質海鮮雞煲放題🤩完全物超所值

平時食放題好多都係限你一個半鐘至兩個鐘，呢度就兩個半鐘，唔好睇少依半個鐘，可以令你食得盡興好多 咁首先會有調味架俾你調整自己專屬嘅醬油碟，然後就會上一個燉湯俾你，今日係鹿茸菇燉雞湯，飲落好重雞，鹿茸菇嘅味會慢慢滲出來（會用一個茶壺裝住，然後用火暖住，保證你想飲嘅時候都係暖身）而且隻杯細細隻，好適合打卡 而且我有like加share佢哋社交平台，咁就會送咗個刺身拼盤，唔好以為免費嘅就隨便Hea你，蝦好鮮甜爽口，而油甘魚充滿油脂，海蜇調味都做得好好，完全唔馬虎 個刺身拼盤食到一半就上雞煲，有三款口味可以選擇，分別係泰式、芝士和麻辣；今次我就揀咗泰式，唔好睇佢以為好少，食落都幾多，雞肉唔係那些翻煮，唔會太乾，味道方面唔會太辣，酸酸辣辣咁幾開胃 食完雞煲就開始打邊爐，我叫左個海鮮湯底，所以一嚟就上咗個超級海鮮盒，分別會有半隻龍蝦、兩隻鮑魚、蠔、蝦、蟹等，全部都非常新鮮，先將海鮮全部放落去煲，等海鮮嘅鮮味滲晒落個湯底度，之後就算放咩都好好食 當然海鮮係可以無限叫，所以食完個海鮮盒之後，瘋狂叫鮑魚聖子😆同埋仲有其他配料可以叫，有好少見的牛白肉 我個人幾推介他們自家製手打蟹籽蝦滑、手打黑松露墨魚滑，食落好彈牙爽口 ✨整體來講，食物質素都非常高質，完全唔係出面普通放題嘅水準，海鮮可以任叫呢一件事真係超晒班，其他配料食材都好新鮮，幾適合一家大細食 📍阿爺八鮮鍋 地址💬：尖沙咀金馬倫道48號中國保險大廈1樓A&B號舖 #UCreator#自助餐#火鍋#放題#雞煲#香港美食#九龍美食#打卡美食#社群有辦髮#hkfoodie#食勻全世界