LIFETASTIC高性價比西餐

LIFETASTIC嘅蛋糕相信大家都唔陌生，而西餐我以前都食過一次，今次再去食嘅時候發現原來佢哋推出咗新嘅菜單，價錢亦都唔貴，叫主食或意粉仲可以半價叫件裝蛋糕，非常抵食🤩！⁣⁣ ⁣ 𝐈𝐧 𝐦𝐲 𝐭𝐮𝐦𝐦𝐲😋⠀⁣⁣⁣⁣ 1. 炭燒澳洲穀飼黑安格斯封門柳 ($198) ❤⁣ 封門柳叫咗三成熟，肉質剛剛好，仲配上自家調配醬汁，以依個價錢嚟講分量都唔算少，出面食都要二三百起，所以性價比係高😋⁣⁣ ⁣ 2. 白酒蜆肉意大利粉 ($128) ❤⁣⁣ 味道係走清新路線，感覺冇咁heavy，而意粉軟硬程度剛好👌🏻，蜆都大大隻😗另加咗$15是日餐湯，係南瓜湯，口感香甜濃郁！⁣⁣ ⁣⁣ 3. 香脆薯條 ($68) ⁣⁣ 黑松露醬都幾香濃，薯條如果再脆口啲會更好～⁣⁣ ⁣⁣ 4. 招牌草莓西瓜梳打 (+$26) ⁣⁣ 招牌草莓西瓜蛋糕你唔會唔識，而依杯就係佢嘅飲品版！一樣會有草莓西瓜果肉🍓🍉，口感清爽，是冇咁guilty之選！⁣⁣ ⁣⁣ 5. 斑蘭芒果紫米蛋糕 (+$34) ❤⁣⁣ LIFETASTIC嘅蛋糕有分為杏仁蛋糕(無麩質)同海綿蛋糕(含麩質)，而我就揀咗兩款海綿蛋糕～斑蘭芒果紫米蛋糕味道好驚喜，食落都真係係好有紫糯米味，而且有淡淡嘅班蘭香，再配上椰絲芒果啫喱、班蘭忌廉同芒果，好似食緊糖水咁呢😍！⁣⁣ ⁣⁣ 6. 荔枝烏龍茶蛋糕 (+$34) ⁣⁣ 充滿香濃嘅朱古力同烏龍茶味，荔枝味雖然有小小被蓋過咗，但唔緊要，因為有大大粒荔枝果肉係上面！⁣⁣ .⠀⁣⁣⁣⁣ 📍 LIFETASTIC BISTRO 銅鑼灣軒尼詩道500號希慎廣場3樓326及330-331號舖 ⁣ #社群試食LIFETASTIC#熱門菜式#西餐#蛋糕#銅鑼灣美食#將軍澳美食#LIFETASTIC