港島區平價串燒店🍡

呢間新開嘅串燒店位於港島區大部分串燒都係個位數就食到 以平價作招徠 即叫即燒用心製作 次次行過都坐滿晒好誇張😲 ❣️藤椒魚皮 $38 爽口凍冰冰嘅魚皮加上麻香味勁香 藤椒令魚皮食落麻口過癮🐟 ❣️黑松露有皮薯條 $20 熱辣辣即炒薯條🍟非常脆口 連皮炸更加原汁原味 點埋凍冰冰嘅黑松露醬 冰火刺激濃香美味 ❣️燒五花腩 $12/串 高温火燒逼曬啲油份出嚟 閃令令勁吸引✨肥厚脂肪入口溶化 ❣️招牌牛肉串 $18/串 微焦黑嘅面層鎖住肉汁💦一口一粒啱啱好 牛香味頗重肉質嫩口 ❣️秋葵 $8/串 灑上胡椒七味粉一齊食 加上充滿水份嘅內層好fresh😌 ❣️薄切牛舌 $10/串 薄切燒起嚟更靚更顯油份 唔會出現唔均勻嘅情況 食落更韌更可口👅 ❣️雞肉串 $8/串 大大舊雞肉十分嫩滑 基本上唔使加調味料原味入口更能享受肉質🐥 ❣️翠玉瓜 $8/串 串燒必食爆水蔬菜 天然水分被緊緊鎖住 燒到軟綿綿嘅瓜身夠曬juicy🥒 ❣️蒜芯 $8/串 一啲蒜味都無絕對可以試試 食得出索索聲 外脆內軟好得意😆 ❣️甜蜜燒菠蘿 $8/串 係面頭再搽上蜜糖🍯令原先香甜嘅菠蘿再度昇華 清甜多汁十分解濟 ❣️雞腳筋 $9/串 口感類似無骨雞腳一樣 彈口爽口 將外皮燒至脆皮鄧狀態 crack crack聲好正🐣 ❣️椒鹽雞軟骨 $9/串 相信唔使多講大家都知嘅軟骨 咬至粉碎💥嘅快感一兩串絕對唔夠喉🥺 ❣️孜然燒雞翼 $14/串 醃得入味嘅雞翼外表脆皮得嚟內𥚃肉質滑溜 孜然粉獨特氣味更添香氣🤭 ❣️陀地燒生蠔 $12/隻 秘製蒜蓉微辣更惹火惹味🦪辟除生蠔腥味 鍾意食蠔嘅可以考慮下 ❣️香蔥手抓餅 $20/份 餅皮用左酥皮更重牛油香 酥香層次感分明 包裹住嘅香蔥餡料切得好碎 每啖都充滿蔥香😋 ❣️Sapporo生啤 $48/買一送一 全天候買一送一絕對係串燒嘅Perfect match 先食串燒 再一啖充滿碳酸嘅冰凍啤酒🍻完美增添樂趣 - 🫧陀地燒 中環九如坊6-10號林氏大廈地下C-D號舖