愛這西班牙餐廳👨🏻‍🍳 一間很用心烹調嘅西班牙菜餐廳，擺盤又夠精緻，另外好鍾意佢店面以藍色格調為主，門口位仲有一排半開放式吧檯，好有異國風情感覺又夠chill，入面仲有一個小酒吧位～ Lobster Rice $650 呢個龍蝦飯係呢到嘅招牌菜，首先龍蝦係西班牙直送非常新鮮，食落啖啖肉又鮮甜彈牙，另外飯粒分明又軟硬適中，仲要每粒飯都吸滿濃濃龍蝦汁，真係好香濃鮮又惹味 USDA Rib-eye 450g $520 牛扒外層煎到焦香，入面Medium仲好粉嫩，牛味都濃厚，旁邊伴碟嘅薯條都好食 西班牙餐前Tapas款式好多，當中Chef’s Rusa $150係鋪滿三文魚籽，低下係薯仔沙律、吞拿魚再混合蛋黃醬，再配上脆多士食，感覺清新帶鹹香，另一款Tuna Tartare $120 好似鮮果撻咁，薄脆撻底鋪滿粒粒吞拿魚再混合牛油果醬，一啖放入口好滿足 兩款係餐廳自家製西班牙甜品，Flan da nata $80係類似法式焦糖布甸，面層焦糖香甜薄脆，布甸口感綿密柔滑，另一個Cheese cake $90外層燒焦過好似葡撻咁，個Cream cheese 好鹹香帶微甜，面頭個果醬微酸有中和作用 Oyster $80 Cocktail $80up 餐廳：Chueca 地址：中環歌賦街8號地下 #chuecahk #上環美食 #西班牙菜 #艾迪 #愛食愛玩愛享受