好睇好食森林露營風cafe

呢間喺鴨寮街嘅cafe，格局令到佢喺嗰度顯得突出。餐廳分開咗兩層，下層放咗好多植物模仿森林風，上層就畀客人camping嘅感覺🥰環境舒服又啱打卡，野食都唔錯添！ 松露奶油燉雞配彼得包🫓 足料！啲雞夠滑！食落以為佢會好膩，但係佢又有啲酸酸甜甜嘅味道去中和返，食到尾都唔會話膩🤔不過松露嘅味就唔係好突出。彼得包嘅乾濕軟硬啱啱好，唔會話太乾太鞋，食食吓仲由用包夾餡料變搣碎個包點落去食🤣 欖油蒜香雞肉意粉🍝 淡淡地嘅欖油，香噴噴嘅蒜味，再帶少少辣嘅口感，令味覺體驗過份豐富🥹同埋佢係用扁意粉，滑捋捋又軟硬適中，口感好好～但係佢係輕食所以份量偏少 🥛特濃焙茶鮮奶🍵 第一啖飲落去，面頭一陣超濃嘅茶粉再偷偷滲入香滑鮮奶，又係味覺同口感過份豐富嘅體驗😮‍💨如果鍾意濃濃茶味嘅不妨試吓呢個，飲完記得抹嘴 總括嚟講係環境好睇好影，野食好睇好食～ ✨ 星期一至五10:00-14:00係套餐時段，錯過咗主食加野飲就要正價㗎喇🥲 ✨ 上層更多靚打卡位！ 🍵 Loop Kulture 📍深水埗鴨寮街90號地鋪 #攻略 #社群時間囊 #社群相聚 #生活足跡 #2023日常 #熱門菜式 #食咗先講 #香港美食 #打卡美食挑戰 #hkfoodie