中環打工仔飯堂？台式便當餐廳🇼🇸

假日去中環好似冇乜餐廳會營業，行過見到中環街市對面有間食台式嘢嘅餐廳就打算入去試下～ 聽聞平日依度係唔少中環返工嘅人食lunch嘅聚腳地，因為價錢相對其他中環嘅餐廳平🫢 【特濃豆乳雞烏龍麵】｜$79 見到個配搭幾特別就嗌咗嚟試下，佢哋嘅烏龍麵有啲似幼身嘅烏冬，幾順滑。最令人驚喜嘅係竟然有4大塊慢煮雞！每一塊都好厚切！味道正常。原本以為特濃豆乳湯底會好濃豆乳味，不過佢個湯底就偏鹹☹️ 除咗主食之外，仲附送咗三款小菜：中華沙律、蕨餅、甜蕃薯。以中環地段同埋依個價錢嚟講，都尚算有誠意。 【烤台灣香腸】｜$32 早幾個月去完台灣旅行就已經好掛住夜市嘅烤香腸，試一試依度嘅烤香腸有咩分別。一碟有六細塊左右，旁邊仲有蒜片俾你夾埋一齊食。烤香腸好香口，充滿油脂感，整體不過不失啦，可以止下癮！ 總結：如果喺中環返工又近中環街市嗰邊嘅朋友，下次lunch time就可以去試下喇～ 不過要留意lunch hour可能會好多人等位🫢 如果你咁啱去中環，又諗唔到食咩，「一起食堂」都算係一間價錢較相宜嘅台灣菜餐廳！ #熱門菜式#攻略#食咗先講#打卡美食挑戰#香港美食#打卡#美食#打卡美食#中環美食#相機食先#生活足跡#食好西 #台灣菜 一起食堂 📍中環域多利皇后街2號地舖 位置／環境：6 / 10 食物質素：6.5 / 10 性價比：7 / 10 服務：6.5 / 10 ✨Overall：6.5 / 10✨ 🔙回頭率： 40%