親子友善餐廳 | 炑八韓烤親子餐廳 | 觀塘區

今次帶鰻魚B黎試下「炑八韓烤親子餐廳」，一入門口就聽到熟悉嘅兒歌音樂，鰻魚B仲跟住唱添，幾開心！ 坐好左就開始叫野食，大人同小朋友都有最低消費，小朋友要叫一個兒童餐，叫左個「韓國公主湯烏冬」，湯底清清地味道唔算太濃，幾岩小朋友口味。而大人就最少每人要消費$150，叫左「海鮮煎蔥餅」、「炑八牛肋骨煲」、「醬油白切肉」，前菜可以免費Refill，牛肋骨煮得好沐，同白飯好匹配；白切肉要加埋白蘿蔔，再用生菜包住，食落酸甜而唔膩！ 食完當然係去入面嘅playroom到玩下！場地唔算大但都好夠玩，而且有塊大玻璃可以睇到入面嘅情況發生。動態區域有滑梯同波波池，靜態區域就有廚房玩具、路軌及車仔、積木、梳妝台玩具、拼圖、發聲發光玩具等，都可以迎合到大部分小朋友。出到黎仲有一部鋼琴可以玩下添~ 而餐廳亦會提供小朋友即棄圍兜及餐具，同埋亦有育嬰室，可餵奶可換片，設備都齊全！不過playroom冷氣比較大，要著多件外套，鰻魚B個日著裙都要額外著多條長褲先夠暖。 炑八韓烤親子餐廳 地址：觀塘鴻圖道90號2樓 時間：12:00 - 16:30 & 17:30 - 22:00 #親子好去處 #親子 #親子餐廳 #親子友善餐廳 #炑八韓烤親子餐廳 #觀塘美食 #觀塘 #觀塘好去處 #觀塘區美食 #韓國燒烤 #韓國菜 #韓國餐廳 #韓烤親子餐廳