西營盤美食推介！全港最好味的Milkshake？

No Milkshake No Life 係一間專門賣奶昔同埋多士嘅美式食店，更自稱係全香港最好味嘅奶昔🥤🤤，今日就嚟試吓佢。 餐廳喺香港大學站，B2出口斜對面，行兩分鐘就到。裝修好時尚，有好多美國風格嘅graphic海報同裝飾。店前係好大嘅落地玻璃，陽光照入嚟，令人精神奕奕，好啱嚟度享受美食同埋悠閑嘅一個下午。 ～芝士薯條 $48 小食我哋揀咗炸薯條一齊分享。薯條炸得好香脆，上面淋咗半溶嘅芝士醬，賣相好吸引，而且味道仲好夾，好好食，一直食唔停口🍟😋 ～香蕉奶昔🍌🥤 $59 第一次黎當然要試吓經典嘅香蕉味奶昔。香蕉同牛奶味好濃郁，兩者混合得好好，但又唔太甜，好好飲😋果然係全香港最好味嘅奶昔！😂 ～煙肉芝士三文治🥓🧀🥪 $82 超推介呢款睇落好似好簡單嘅三文治，食落非常好食。😋三文治嘅煙肉好大塊，店員即場煎好，煙肉包住好多芝士，再將三文治兩邊煎香，好香好好食😋外脆内軟，芝士拉絲，一食就想再食一口🤤好正呀！ ～自家製藍莓醬芝士三文治🫐 $72 煎到外脆内軟，裏面有好多藍莓醬。不過有啲偏甜，如果當作甜品食都可以嘅。😂 No Milkshake No Life (山道) 📍西環石塘咀山道31-37號地下A號舖 推介程度：❤️❤️❤️❤️❤️ #美食#milkshake #奶昔 #nmnl #nomilkshakenolife #芝士三文治 #熱門菜式 #西環 #美式 #美國 #熱門菜式 #打卡 #攻略 #chill #週末 #下次要再食 #打卡熱點