旺角全黑型格Cafe —— Black Coffee

放假同朋友去咗旺角，於是就去咗Black Coffee食咗個late lunch🫢 Black Coffee真係顧名思義一間全黑嘅Cafe，由外面嘅落地大玻璃，到裡面嘅裝修設計，都係全黑色。雖然唔係lunch hour去，但都等咗一陣先有位～ 【自家製忌廉蘑菇貓耳朵意粉】｜$98 又係一個唔同感覺嘅貓耳朵意粉，整體口感偏硬，但都煙靭，配埋忌廉醬同埋蘑菇一齊食，整體唔錯～ 【炸口水雞配菠蘿醬】｜$88 口水雞就見得多，炸口水雞都係第一次見，見咁特別就嗌咗嚟試下。依款炸口水雞係偏麻多過辣，食耐咗都幾麻下😂 不過如果點埋個菠蘿醬一齊食，都可以balance返啲～ 幾特別嘅一道菜式，可以一試。 【70% 朱古力髒髒日式梳乎厘鬆餅】 ｜$104 外表好吸引，打卡一流嘅日式梳乎厘鬆餅🤣 可惜虛有其表，食落比較普通，朱古力有啲膩。 總結：整體都唔差嘅一間Cafe，嘢食不過不失，都有啲幾特別嘅菜式，放假去開旺角，都可以同朋友嚟試下～ #熱門菜式#食咗先講#打卡美食挑戰#香港美食#打卡#美食#打卡美食#旺角美食#相機食先#咖啡#咖啡店#Cafe Black Coffee 📍 旺角廣華街3號地下3號舖 位置／環境：7.5 / 10 食物質素：7.5 / 10 性價比：7.5 / 10 服務： 7.5 / 10 Overall：7.5 / 10 會再去嗎？： MAYBE