【🎈銅鑼灣格調西餐廳!】

呢度結合咗西餐廳、蠔吧、咖啡廊、酒吧、空中花園元素，環境十分寬敞，裝潢時尚又有格調🤗。 🔸[環球生蠔拼盤🌎] (HK$1088) 一次過就可品嚐到16隻來自世界不同地區嘅優質生蠔🦪，當中大部份來自法國，少部份來自美國、西班牙，並以淡至濃味去排列。法國蠔嘅蠔肉肥美，食落厚實彈牙，非常鮮甜😍！ 🔸[晚市套餐] (HK$788/位) ▪️[芝士焗生蠔 (2隻)🧀] 前菜之一。先將新鮮嘅法國生蠔放到鹽堆上，再在蠔肉表面撒上芝士、香草碎，然後進行烤焗。一端上就已香氣撲鼻，食落充滿芝士咸香，十分惹味😋！ ▪[牛肝菌濃湯🍄] 餐湯之一。端上時以小金壺盛載，店員先將烹調過嘅牛肝菌放到碟內，再將牛肝菌濃湯倒入碟，過程充滿儀式感☺️！聞落同飲落都充滿濃郁牛肝菌香氣，配以薄脆片沾點濃湯，增加咗口感層次🙌🏻。 ▪[北海道元貝沙律] 晚市套餐沙律，賣相唔錯❤️！沙律菜放中央，兩件煎至金黃色嘅北海道元貝放兩旁，元貝表面再放上魚子醬、金箔，最後有醬汁伴碟。 ▪️[海膽意粉] (另加HK$88) 麵食之一。意粉以海膽、忌廉醬汁烹調而成，面頭放上海膽、海苔絲，再撒上蔥花。食落海膽濃郁鮮甜，意粉硬度適中，而且都能掛上海膽醬汁，每一啖都滋味十足🤤！ ▪[炭燒穀飼美國頂級牛肉眼10oz] 肉類之一。呢塊肉眼扒超大塊，而且厚身👍🏻。用咗炭燒方式去烹調，肉眼扒表面見到有網紋，仲帶有微微炭燒香味。選擇咗五成熟嘅生熟度，肉眼扒肉質粉嫩多汁，而且肉味香濃😍！ ▪[朱古力撻配雪糕] 晚市套餐甜品。朱古力撻有半件，撒上金箔作點綴，食落朱古力味濃厚。伴隨一球曲奇味雪糕，底下有曲奇餅碎，面頭就有一片朱古力，上面有酸甜醬汁、紅桑子，平衡返整個甜品嘅味道😋。 ▪️[Whiskey Sour] (HK$59) 跟餐可以半價加購紅/白餐酒一杯，所以點咗呢杯cocktail (原價HK$118)。由波本威士忌、檸檬汁、糖漿、蛋白、安格仕苦精調製而成，飲落酸酸甜甜😉。 (以上價錢僅供參考，一切以餐廳為準) ➖➖➖➖➖➖➖➖ ➖➖ 📍1601 銅鑼灣勿地臣街1號時代廣場食通天1105號舖 ➖➖➖➖➖➖➖➖ ➖➖ #muichujai妹豬仔周圍食#香港美食#銅鑼灣美食#銅鑼灣好去處#時代廣場美食#打卡美食#LUBUDS#lubudsgroup#clubalbergue1601#社群試食LUBUDS