《不夠善良的我們》結局預測🧠8大伏筆暗示主角最終何去何從？

《不夠善良的我們》大結局將會喺聽晚播出，上星期嘅劇情真係反轉又反轉💫令人好好奇會點收場，一齊嚟預測下大結局啦🥳 不夠善良的我們結局｜伏筆1️⃣得不到的永遠最迷人 何瑞之自知「得不到永遠最迷人」呢個道理，就算母親離世，佢終於可以追求自己所想都好，佢都唔會再同Rebecca復合。 不夠善良的我們結局｜伏筆2️⃣簡慶芬偷食告白 最新一集簡慶芬主動向何瑞之坦白自己偷食，但淨係換嚟對方一句：「爽嗎？」，雙方隨後仲進入分居狀態，呢段婚姻究竟何去何從？ 不夠善良的我們結局｜伏筆3️⃣Rebecca患乳腺癌 上集以簡慶芬得知Rebecca患癌作結尾，Rebecca最終會唔會抗癌成功？ 不夠善良的我們結局｜伏筆4️⃣簡慶芬嘅下一個目標 簡慶芬聽到有一個與Rebecca同名嘅女士患乳腺癌後，即刻追出去確認對方身分，喺最新預告仲可以見到佢不斷追問關於Rebecca嘅消息，作為一個不斷靠目標生存嘅人，佢下一個目標同Rebecca有關？ 不夠善良的我們結局｜伏筆5️⃣簡慶芬嘅髮型轉變 幾位主角都提及過髮型對角色幫助很大，其中簡慶芬嘅髮型更係反映住佢內心。由少女變少婦，佢將長髮剪成一刀切嘅短髮，就好似佢性格一樣果斷、鋒利。 當佢窺探Rebecca生活，開始羨慕對方精彩嘅生活時候，佢短暫模仿對方將頭髮電攣，不過好快佢又變返原來俐落嘅短髮，證明佢始終都係嗰個做事果斷，為達成目標不擇手段嘅人。 不夠善良的我們結局｜伏筆6️⃣Rebecca與于向立嘅感情線 最新一集于向立終於向Rebecca表白，喺簡慶芬遇見于向立嘅談話中可以推斷Rebecca接受咗佢表白，但最新預告中有于向立失約嘅情節，同佢哥哥講「俗仔真的不行」嘅台詞都透露呢段關係轉瞬即逝。 不夠善良的我們結局｜伏筆7️⃣永遠嘅假想敵？ 劇集播到依家兩位女主角終於要見面，知道對方真實生活狀態，其實同自己想像中有出入嘅時候，係唔係仲會羨慕對方？ 不夠善良的我們結局｜伏筆8️⃣薛丁格的貓 劇集多次出現薛丁格的貓嘅比喻，究竟係比喻緊咩？唔通暗示結局會再反轉一次？唔睇到最後都唔知結局會點？ 相信大家都迫不及待睇結局，唔知各位主角會點選擇，聽晚一齊打開薛丁格的貓個盒📦睇下同大家預計個結局有無唔通啦～ 圖片來源：《不夠善良的我們》官方Facebook帳號 #攻略#情感#愛情#台劇#婚姻#不夠善良的我們