放假約埋屋企人黎到人氣火鍋店 湊湊火鍋‧茶憩 食火鍋。限時2小時，一坐低選完湯底就可以 QR code落單。 紅顏花膠雞鍋單鍋198 我地選擇左花膠鍋做湯底，個湯金黃色，一睇就知個湯底勁濃郁，有大量既花膠，仲有雞肉，雞脾菇，冬菇，仲有幾隻鮑魚仔，認真豐富。成碗湯充滿骨膠原，養顏又好味，飲左幾碗湯就可以搵店員幫手加水打邊爐喇。 美國特選級牛肩胛158 肉類既選擇都幾多，宜款牛肩胛顏色鮮紅，肉質又軟又嫩，十分推薦。 雪花牛肉粒98 牛肉粒估唔到咁大粒🙈牛味極香濃又有咬口。 基圍蝦108 蝦相當新鮮，用竹籤穿住方便放落鍋度煮，蝦肉彈牙又鮮甜。 精制牛筋丸49 牛丸大大粒又好香濃牛味。聽講佢地既企鵝丸都好出名，下次再黎食下。 酥炸黃魚 68 炸芋頭48 我地叫左2款台式小食黎食。炸魚皮就食日食，炸黃魚就真係未食過，件件魚肉十分香口又好酥脆。炸芋頭既份量十分多，質感粉嫩，內軟外脆。 時菜湊湊（小）98 宜個係一個蔬菜拼盤，一次過食到哂咁多款蔬菜，份量仲極多。各種蔬菜都好新鮮又爽脆。 桔香冬瓜34 宜度既台式飲品都好出名，成日專程黎買，味道酸酸甜甜又大杯，非常解喝。 宜度仲要1人19蚊既茶錢，不過除左包貴妃烏龍茶，鴨血豆腐無限添加之外，仲有醬料，幾款自助吧既任食既小食，生果，仲有小杯沙冰同梅子烏龍茶味啫喱，相當抵俾😂 宜家餐廳做緊台灣夜市主題店，除左食之外仲有套圈圈遊戲，消費每滿$500 就有一次機會， 大獎係$1200 既現金券。只要係 18：00 或之後埋單方可憑收據獲得一次遊戲機會。我地就中左張飲品禮卷喇。 臨走之前仲發現原來過咗 9:30 pm後仲有宵夜 8 折優惠，勁抵喎，下次再約 Friend 嚟食過！ 。 。 湊湊火鍋‧茶憩 (家樂坊) 旺角登打士街56號家樂坊地庫B3號舖 。 。