尖沙咀【一品活蝦】肥美活蝦超惹味

丫妹超中意食蝦, 每逢見到有蝦嘅菜式都定必order。近期係社交平台無意中得知尖沙咀開咗間主打不同口味嘅活蝦餐廳, 聽聞仲係台灣過江龍人氣店, 更令人急不及待相約去食返餐。 踏入餐廳, 牆上霓虹燈反照, 加上天花板掛著多個紅燈籠, 什有特色。 自行掃QR code落單, 每款口味嘅蝦都有大小size份量之分, 不過香港店暫時只有六款口味供應, 包括: 胡椒蝦、鹽嗆蝦、酸辣蝦、奶油蝦、麻油蝦、三杯蝦, 全部跟足台灣製作秘方泡製。 而蝦以外嘅款式就唔算多, 飲品方面, 餐廳不提供飲用水, 所有飲品都需要收費。 每款口味嘅蝦都以呢個銀色筒擺放上檯,  【胡椒蝦 (大) 】HK$298 每隻蝦都超肥美脤卜卜, 蝦頭亦充滿甘甜蝦膏, 蝦肉扎實彈牙, 附於蝦殼外嘅胡椒香味濃郁, 微辣惹味, 令鮮味更提鮮不少。 【黃金薯條】HK$48 薯條雖然唔係香脆果種, 但每條都平均有鹹蛋黃黏附, 淡淡嘅鹹蛋黃香, 送酒很不錯。 【乾煎中卷】HK$138 原隻魷魚筒煎過上檯, 甘味爽滑, 但嫌魷魚骨未有預先去除。 【椒鹽啤酒漿花枝丸】HK$48 花枝丸外層微脆, 口感彈牙, 帶有花枝粒, 有層次, 又食到花樣嘅鮮甜。 . 一品活蝦 尖沙咀金巴利道80號奇盛商業大廈UG樓 . 其他平台: Instagram: https://www.instagram.com/keresawong.l.s/ Facebook: https://www.facebook.com/keresawong/ Blogspot: https://keresawongls.blogspot.hk/ Ublog: https://blog.ulifestyle.com.hk/keresawong She.com: https://blog.she.com/keresawong/ 小紅書: https://www.xiaohongshu.com/user/profile/5b230759e8ac2b524de93a5e ESDlife: http://wow.esdlife.com/keresawong Weibo: http://weibo.com/keresawong #尖沙咀 #香港 #hongkong #美食推介 #香港人 #香港美食 #hkblogger #foodie #hkfoodie #美食分享 #食評家 #香港食評 #活蝦 #hk (此文章由U Blog 同步發佈至社群)