尖沙咀新開港式車仔檔💁🏻‍♀️值得一試

尖沙咀收工食咩好🤪經過亞士厘道見到有間新開既港式車仔檔💁🏻‍♀️店面裝潢具心思,主打港式懷舊風,環境乾淨企理👍🏻店員仲好有禮貌又熱情,值得一讚🥰 🔹牛魔王麵餐 麵餐有齊牛腩、牛筋、潮汕牛丸,價錢都幾抵食!揀咗出前一丁,口感煙韌彈牙,煮得夠爽唔會糊,正~腩汁配秘製辣汁昇華味道層次👅牛腩軟腍入味、肉汁豐富,牛筋爽滑充滿膠質、潮汕牛丸大大粒好彈牙😋 🔹自選麵餐 蘿蔔香甜無渣、越南扎肉帶有胡椒香,彈滑清香、午餐肉經煎香更惹味、鬼馬炸魚腐食落好得意,好似油炸鬼、香煎陳皮鯪魚餅陣彈陳皮香,好彈滑有咬口~幼麵索滿腩汁湯底,正😆 🔹無雙魷魚 新鮮魷魚製成,入口特別鮮嫩爽脆,配埋秘製醬汁,甜中帶點微辣,好開胃🦑 🔹燒賣 蒸得岩岩好,帶魚肉香,煙韌綿軟👍🏻👍🏻 🔹荔枝蝦球 即叫即炸,熱辣辣上枱~細細粒,荔枝外型好別緻,外層酥脆香口,咬落內裡蝦肉彈牙😍 🔹油菜 食車仔麵通常都會叫油菜平衡下~芥蘭新鮮翠綠好爽口🥬 🔹凍檸茶+熱柑桔蜜 茶底清香唔苦澀☕️ 天下無雙 (尖沙咀)🌟 📍尖沙咀亞士厘道16號地舖 #中菜餐廳#UCreator#打卡美食#美食推介#香港美食#九龍美食

地址
亞士厘道16號
香港尖沙咀亞士厘道16號
評分
5/5
👍🏻
下一篇載入中