西環超值又高質意大利小酒館

好耐冇黎西環搵食，呢間西餐廳嘅抵食嘅set dinner就吸引咗我眼球，套餐$248@有前菜同主菜。之所以話抵食，因為嘢食份量十足，女仔嘅話食完前菜都已經差唔多飽。 先上嘅係麵包，呢到嘅麵包同平時西餐廳食到嘅硬包唔同，食落煙靭軟熟。 Cold Cuts and Cheese Selection 其中一款前菜係非常大碟嘅cold cuts & cheese拼盤，cold cuts方面就有parma ham、salami等3款ham，芝士方面同樣有3款，非常豐富。 Burrata Cheese Special from Puglia 另一款前菜就揀咗burrata cheese，軟熟流心嘅burrata cheese芝味濃郁口感軟滑，夾埋車厘茄沙律一齊食滋味十足。 Cod Fish Fillet 主菜叫咗份鱈魚，魚扒煎到面層金黃香身，入面係軟嫩雪白嘅魚肉，不過要小心食嘅時候可能有骨。配菜方面仲有creamy嘅薯蓉同各式烤蔬菜。 Grilled Grass-fed New Zealand Rib Eye (200g) 朋友就叫咗份肉眼扒跟薯條同沙律菜。肉眼扒唔算太多筋同肥位，抵讚。五成熟就岩岩好keep到入面粉嫩juicy，肉質腍嫩容易咬開。薯條亦都夠脆夠熱，拍得住某連鎖店。 Tiramisu (+$68) 我哋仲加咗份甜品開心share。Tiramisu咖啡味同酒味都好香濃，唔會俾朱古力味遮蓋，口感細滑。 飲品方面我哋叫咗兩杯Sprite (+$28@)，餐廳仲會加片檸檬落去成件事即刻高級左。 。 。 STEKKA MASTER (西環) 西環西營盤高街65號地舖 。 。