人氣台式美食🍢黑布小巷 旺角嘅黑布小巷終於港島有分店啦，地點喺炮台山嘅電氣道，呢間店只做外賣🥡，位置同樣係喺小巷內。餐牌簡潔，只做招牌菜-古早味手工滷肉飯、吐司，小食及飲品。價錢親民，見完客買返屋企食啱哂！ 🍚古早味手工滷肉飯 $38 滿滿滷肉嘅飯香濃多肉汁，採用傳統台式做法，滷肉選用豬腩肉，香而不膩！滷水味咸淡適中。每一啖飯都食倒啖啖滷肉！飯嘅份量都好足！唔錯！ 🌶️🍞麻辣鬼椒雞腿芝士蛋吐司 $48 麵包烘至金黃色嘅吐司賣相勁靚，拎到返屋企雖然冇咁脆，但雞腿保留肉汁，入口軟嫩無比，加上麻辣鬼椒嘅醬汁同流心蛋，中和小小辣味，但又辣得過癮，勁好食！推介！ 🍞台式肉蛋吐司$46 台式吐司除左烤嫩滑雞腿吐司之外，仲有香煎美國大草原穀飼豬扒吐司。穀飼豬扒肉質比較薄而帶點咬勁，專登冇加芝士同辣醬，食出原汁原味！各有各好食！ 🍢台式腸 $20/ 🍢甜不辣 $20 兩款台灣小食都好味，台式腸煎到到酥脆可口，甜不辣配左甜酸醬更惹味！ 🥤飲品我地揀左自家煲製冬瓜茶同桂花烏龍茶。冬瓜茶清甜好好飲，冷泡茶無糖，茶味香醇！不錯！ 黑布小巷 地址 📍：北角炮台山電氣道160號木蘭苑地下A號舖