🌸hoo韓國包車🌸 地點：尖沙咀厚福街12-12A號藍馬商業大廈22樓 前排朋友食左間在尖沙咀的韓國菜話勁有韓國地道街邊布幕小食feel，心思思的小編今次就特登同大家入去試下 🌺 食物：4/5 環境：🌕🌕🌕🌗/5 （唔算好大，但真心入門口個刻起就係滿滿的韓式地道街邊小檔feel，有少少”請回答吧1988”個種復古得來又好熟悉的童年味道，每一個位都值得大家打卡留念） 👉🏻芝士蟹膏蟹肉蛋卷($108) 韓國的蟹膏一向都好出名，餐廳近排就推出左個期間限定的蟹膏menu小編當然要試下佢，燒融左的流心拉絲芝士上放上濃郁的蟹膏醬(唔同平時個種落左沙律醬，E種就真係得蟹膏)，配上厚厚鬆軟的玉子燒同中間的蟹柳絲，多重口感一次過放曬入口，特別係個種鮮香會留在口中好特別 👉🏻街頭魚糕串串 ($138 中鍋) Signature 代表韓國的街頭小食，一小鍋好似打邊爐咁上枱，食的每一啖都係暖粒粒，重點的魚糕湯同韓國飲到的一模一樣，每枱都必叫，用來影相打卡必備 👉🏻懷舊午餐盒 ($75) E個真係因為「請回答吧1988」的lunchbox bibimbap先叫的，鋁質的餐盒放上餐肉、泡菜、香油、辣甾同畫龍點晴的太陽蛋，簡單得來又香又滿足 Remarks: -Opening hrs: 1200-1530；1730-2200