甜品拿破崙Fans召集！超酥脆酥皮❤️

鐘意食甜品嘅朋友仔一定有聽過@JovialPatissier，最近終於食到佢地嘅「拿破崙盒子」，每件都好靚好igable。 佢地將自家製嘅 1000 層酥皮造成盒子形狀，再裝滿軟滑吉士醬及不同口味材料，酥皮滿滿牛油香而且好鬆脆，真係好好食呀! ❤️ 🍓「經典草莓吉士拿破崙盒子」 面頭忌廉好香滑，中間嘅吉士醬混合士多啤梨粒，簡簡單單已經同酥皮好夾。 🥚「香草焦糖燉蛋拿破崙盒子」 呢個將焦糖燉蛋做成長方形放係盒子上面，燉蛋好滑溜而且好香雲呢拿味道，中間仲有啲脆粒粒令口感更有層次。 🍵「開心果茉莉綠茶拿破崙盒子」 開心果醬味道幾濃郁，相對茉莉綠茶感覺比較弱少少。 🍡「大甲芋泥麻糬拿破崙盒子」 芋泥好綿密、甜度亦剛好，中間有一層麻糬，質感好煙韌，而麻糬加入紫米令味道更豐富，配搭埋吉士醬口感好有層次。❤️ 🍋「百香果檸檬拿破崙盒子」 第一口覺得有啲似食緊檸檬撻，濃郁百香果醬及檸檬味嘅杏仁蛋糕，感覺非常清新，而且酸酸甜甜好開胃。😋 🥭「芒果糯米拿破崙盒子」 面頭放咗芒果及糯米飯，糯米飯帶點咸咸地，同時椰香味幾出，唔錯喎！ 每一件都幾有特色，攞到番屋企酥皮好脆好酥化，好味！個人幾喜歡芋泥及檸檬盒子。做散水餅或者party點心亦幾唔錯。😊 #社群試食JovialPatissier#拿破崙盒子#拿破崙#JovialPatissier#甜品#打卡美食 #熱門菜式#荔枝角美食#打卡甜品