八不 壽喜燒 2024/05/11

太子高質壽喜燒,全血和牛真心正🫶

識我嘅人都知我好鍾意食壽喜燒,所以小妹早排系社交平台到見到太子有間壽喜燒店入面竟然有埋高規格既全血和牛,就過左去試吓😋 我地叫左個🌟『雪室盛』世界最高質牛二人餐🌟 $1088 套餐入面有:👉🏻 ✨最稀有的雪室和牛150g✨ 雪室和牛D雪花真係靚到-個點,小妹睇到都心心眼😍;食落質感細膩,牛味芳郁,幾乎入口即化,高質👍🏻 ✨頂級黑安格斯小排70g✨ 呢份頂級黑安格斯小排唔肥唔瘦,油花比例均衡,肉質細緻軟嫩富嚼勁,重肉味之餘亦保留到油脂咬感! ✨澳洲M9+全血和牛70g✨ 全血和牛系指一隻和牛既上4代均為100%全血的公牛與母牛、冇混集其他牛種下配種而成;比較罕有,有別於市面上大部分M5既混種澳洲和牛。 油花望落非常豐腴,-睇就知好野🤩。入口油香十足,牛味相對-般和牛仲更加濃郁,真心超正🫰🏻 ✨SRF和牛封門柳70g✨ 封門柳即系牛橫隔膜肌肉,每隻牛都只有一條架咋❣️佢既油花較少,肉味較重,中意肉味濃既你-定不容錯過🫶 ✨雜菜盤✨ 雜菜盤入面有娃娃菜、白菜、蘿蔔、南瓜、冬菇、豆腐、大蔥同日本葛絲; 雜菜種類豐富又夠新鮮,用煮過和牛既壽喜燒汁做底再加湯去煮完之後再加埋蛋真係正到唔識講; 肉味既甘甜完美滲透左入去本身清甜既雜菜入面,令雜菜甜得好有層次,同d牛-様比小妹秒清哂🤩 ✨日本蛋✨X2 用嚟點牛肉仲會令到本身已經好滑既牛肉更加滑😚 ✨清酒白鹿/白岳果油/柑橘酒/梅酒300ml(白選)✨ 我地揀左梅酒,呢隻梅酒梅味好重,好易入口! 另外仲叫左個✨吉列車海老✨ 唔係講笑😆隻蝦仲長過我隻手掌✋!大隻到我嘩-聲🤣 包裹住炸蝦既炸漿好薄,乾身得梨唔會好油!入面隻蝦d蝦肉鮮甜又彈牙,啖啖肉真係好滿足!連我呢個唔系咁中意食炸野既人都對佢有讚冇彈👍🏻👍🏻 呢度除咗d牛肉超高質,壽喜燒嘅煮法、口味好正宗之外,最估唔到連炸物都令我好有驚喜,小妹今餐真係超滿意👍🏻👍🏻 🟥八不•壽喜燒 📍太子大南街52號地舖 港鐵太子站C2出口,步行約3分鐘

地址
八不 壽喜燒
香港旺角大南街52號
評分
5/5
😊
好介紹 ☺️ 歡迎互相關注
下一篇載入中