元朗｜喇沙湯麵小店。Cat喇沙

最近經過發現之前阿叔泰麵無左，變左呢間以喇沙為主既餐廳，全日同一個餐牌，價錢黎講吾算貴，2人餐$200留下都有，仲要無收加一。 🦀🍜軟殼蟹喇沙 $78 喇沙湯底好重椰汁味，食落完全吾辣，甜甜地，幾岩我口味。麵系米粉加油麵，啲麵幾掛汁，幾match。另外有啲炸蒜令湯底更香，少量芽菜，炸原隻軟殼蟹好搶眼。 🍜越式火車頭 $63 相對之下，呢碗既湯底就清左啲，火車頭有肥牛、牛柏葉、牛丸同豬肉丸。麵揀左河粉，以洋蔥、炸蒜同辣椒黎帶味，有微微辣。 跟餐配小食只需要加$18，所以叫左2款小食。 🥐馬來咖哩雞酥 炸到脹卜卜，咖哩味重。 🍤越南蔗蝦 蝦膠包住竹蔗，好耐無食過所以叫一份。 🥥椰汁冰 （跟餐$19） 原本以為系椰汁加冰，點知系用左椰子肉、椰汁同冰攪成泡沫狀，飲落會有椰子肉碎，而且幾香滑，個人推薦！ 🧋凍奶茶 （跟餐$5） 凍奶茶就正常發揮。 #UCreator#hkfoodie#hkfood#hkfoodblogger#foodiehk#元朗美食#喇沙#星馬菜