點心出色 中菜扎實 @ 龍逸軒 ( 尖沙咀九龍酒店 )

九龍酒店中菜廳龍逸軒是近年去得較多的地方，無論自己同家人飲茶，又或是外甥擺結婚酒，都令人滿意，無他，相信同總廚楊師傅的出品有關，多年來務實的出品，予人以信心，早排同朋友聊天，先醒起有一段時間無去食飯，二話不說，即時起行。 餐廳本身午間有任食點心，但自己又心多，點下其他菜都好吖！ 翠塘蛋白金魚餃 造型神似，皮薄餡鮮，蛋白底加入菜汁，散發淡淡翠綠，食落又嫩滑。 粉紅松露石榴粿 餃皮加入紅菜頭，令餃皮帶艷麗的色彩，雜菌餡料又有松露幽香，好味。 金腿蘿蔔絲手袋酥 造型真係有點似手袋，但如果可以細返些小會更好，酥皮烘得微焦又香口，咬落酥化，水準好高，餡料咸甜夾雜，好特別。 叉燒酥 同行朋友對龍逸軒的酥皮菜色讚譽有加，的確，叉燒又是自家出品，找不到挑剔的地方。 鮮蟹肉粟米羹（$98） 很欣賞芡汁推得好薄，鮮蟹肉令湯底更鮮甜，建議下點胡椒粉就更可口。 香芒乳豬件（$600/半隻，$1200/隻）（$300/例） 自家烤製乳豬果然有水準，配以芒果肉一齊食更是第一次，效果有點意外，微酸的芒果，與帶油份的乳豬件，正好起了平衡的作用，脆與滑的對踫，很有趣。 北京片皮鴨兩食（$680/隻） 片皮鴨除了要烤得好，刀功亦同樣重要，再配上蜜瓜絲、青瓜絲、京蔥及子薑絲，澆上海鮮醬再包好，一口咬下，鴨油的臊香以及甜美的味道隨之而來。 兩食另一道是粉鴨崧，用生菜包好一齊食，滋味滿分。 瑤柱海皇泡飯（$208） 熟朋友都知我係澱粉質怪，可以話無飯不歡，這個泡飯湯底好鮮甜，海鮮粒相當豐富，個人好滿意。 芙蓉海鮮粒煎米粉（$208） 一道令人意外有驚喜的菜色海鮮粒的芡汁啱啱好，而米粉煎至微脆，有焦香而不過火，排上海鮮汁味道豐富，脆卜卜的口感好正。 燕窩蛋撻（$32/件） 朋友極力推薦的甜品，即叫即焗，拎上手熱辣辣，相當討好，蛋漿亦夠香滑。 D24榴槤Creme Brulee 在焦糖燉蛋表面放上新鮮的D24榴槤，仲要大大舊，而蛋香與榴槤又沒有違和感。 Facebook專頁 : The Kowloon Hotel   地址 : 尖沙咀彌敦道19-21號九龍酒店2樓   電話 : 27343722   IG : foodiephilip   小紅書 : 美食焚化爐   味道 : 4  環境 : 5  服務 : 5  衛生 : 5  抵食 : 4  位置 : 5   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #中菜 #九龍酒店 #點心 #美食焚化爐 #龍逸軒 (此文章由U Blog 同步發佈至社群)