大丸梅田店 2024/05/16

日本Pokémon Centre有生日禮物俾你呀‼️

本人為了加入社群創作有價企劃行列,決定運用自身的日文一級能力,致力為大家上網搜羅與日本景點有關的優惠情報,再在U Lifestyle 作出分享。務求讓大家慳得一蚊得一蚊,做旅遊精明消費達人! ———————— 我相信有一部份人去日本可能都需要去下Pokémon Centre朝聖, 但你又知唔知其實佢成日都有啲活動送下小禮物咁呢? 店舖搞既即場活動我就釋唔到你睇啦, 我上次去見到有個活動係同職員猜包剪揼, 贏左有小禮物 🎁 。 店舖海報上次我又用佢個code兌換左隻Pokémon 咁姐 。 雖然呢啲要即場發現既活動我幫唔到你, 但只要你或你同行既是但一位朋友, 喺壽星仔/女既生日月內親臨日本任何一間Pokémon Centre,攜同以下東西: 1. Nintendo Switch / Switch Lite 主機 2. 寶可夢 朱/紫 隻Game 3. 壽星仔/女 Passport + 壽星本人 即可向店員索取生日禮物,禮物包括: 1. 小精靈兌換碼乙個 2. 生日卡一張,內含QR code可欣賞特別動畫 今次活動暫於31/10/2024日完結, 即係話你10月前生日都仲可以去拎禮物 。 費用全免, 無需消費 , 但只可到Pokémon Centre 索取 。 Pokémon Store並不適用 。 但就算淨係Pokémon Centre 佢其實都開到周圍都係啦 。 如果你係Fans或者你屋企個小朋友係Fans, 經過咪去拎下囉 ! 物輕,但係愛呀麻😆 你可到以下網址搵一搵你方便去既Pokémon Centre 。 https://www.pokemon.co.jp/shop/ (我文章上面入個地址係求其一間咋,佢呢個活動全日本都適用的。) 其實佢Pokémon Centre Online都有呢個活動, 但我呢度就唔講住, 因為我自己冇試過佢Pokémon Centre Online度買野, 我唔知佢點check你係咪生日月份 。 去開日本玩既可以睇埋我另外一啲post, 全部都幾有趣既分享黎架! 想知道更多日本新奇有趣既event記得關注我啦‼️你既關注為我帶來寫文章既動力🤝 ———————— 所有圖片來自官網(https://www.pokemon.co.jp/shop/pokecen/birthday/)。 ———————— 如果大家見到有咩優惠/活動,但因為日文而唔識睇,可以話我知,我可以繼續出POST 話俾大家知。 想知更多優惠/活動資訊,就FOLLOW 我俾D動力我啦! THANKS. #日本好去處#日本之旅#日本#日本食玩瞓#求好旅友#日本旅行#日本自由行#日本旅遊#日本攻略#日本旅遊攻略2024#日本好玩景點#東京#東京自由行#東京攻略#東京景點#日本event#event#大阪#大阪自由行#寶可夢#pokemon#北海道#沖繩#名古屋#福岡#鹿兒島#着數報料#著數報料#著數分享#著數推介#生日優惠#生日

平均消費
HK$0
地址
大丸梅田店
3-chōme-1-1 Umeda, Kita Ward, Osaka, 530-8202日本
評分
5/5
,👍
下一篇載入中