/ 外星人飛船降落地球啦🛸 /

// 22 09 23 晴天🌞 15:30 沙田 河畔花園 B座旁邊 EaT燒肉 據悉，香港首間原創以外星人做主題嘅路軌燒肉餐廳👾，已經正式登陸沙田啦～ 「Eat燒肉」——— 係由「Eat星球」一位外星人所創👽，目的想為地球🌏，帶嚟更多先進嘅科技。 為咗令地球人更深入了解「Eat星球」嘅文化，餐廳決定一律以外太空為裝修主調，而當中「Eat星人」更會出動私伙「太空飛船🚀」，運送當地至高質食材比每一位食客，實行透過美食，搭建彼此溝通最重要嘅橋樑啊🤝🏻！ #輕輕鬆鬆說故事 / 抽風設備良好，餐廳內油煙感唔重 爐夠火力，可以將啲肉煎到好香 推介點自家製BBQ汁，甜甜哋，好襯燒肉 「太空船」送餐嘅時候會講一段日文，聽到嗰陣會有種去咗日本嘅感覺。 - Prime Grade 牛五花、肩胛牛柳、牛小排套餐 (250g) HKD$178 ———————————————————— 特級牛五花 食嘅時候結合油脂香味 同 牛肉鮮味 肩胛牛柳 肉質結實 有咬口 牛小排 油花均勻 肉味濃 入口爽嫩 和風湯 飲得出經自家調味 有昆布嘅鹹鮮及芝麻嘅香氣 Prime Grade 牛五花套餐 (300g) HKD$168 ———————————————————— 特級牛五花 份量多 整塊都係一層油花一層肉 食嘅時候結合油脂香味 同 牛肉鮮味，質感滑嫩 和風湯 飲得出經自家調味 有昆布嘅鹹鮮及芝麻嘅香氣 宮崎A4和牛三角腩 (50g) HKD$78 ———————————————————— 肉質有彈力 好似牛胸爽 嗰種爽口 & 滑嘅感覺 油脂味非常香濃、突出 當中嘅油脂 更會停留喺口腔裏面 最重要𡁻起嚟 絕對無渣 宫崎A4和牛肩肉 (50g) HKD$78 ———————————————————— 霜降均勻散佈
食起嚟肉質緊緻、鮮嫩、有肉感 而且啖啖都會食到好多肉汁 汁裏面更充滿住濃厚嘅牛味 最重要𡁻起嚟 絕對無渣 牛舌心 (100g) HKD$48 ———————————————————— 每舊都好厚 好大塊 入口非常爽脆、juicy、零腥味 咬落去仲會有「咔滋咔滋」嘅感覺 另外一讚 將牛舌心𠝹花 除咗方便觀察 & 控制熟度之外 更加容易煎到外脆內軟嘅口感 ———————————————————— #沙田美食#燒肉#香港美食