超高CP值平民價壽司刺身

呢間餐廳話佢係隱世日本料理店絕不為過，位於觀塘鴻圖道30號3樓，唔係喺呢邊返工嘅話根本唔會留意倒佢，餐廳面積超大，好寬躺，睇得出老闆用心裝修，粉白色系櫻花🌸、和風紙傘同燈籠🏮 呢度有平民價勁抵食嘅刺身，時令生蠔低至$15一隻😱 原板海膽都只係$158！廚師發辦刺身拼盤有18片共9款刺身，都只係$348！😱 各樣定食、鍋物、一品料理、串燒、揚物等等，基本上平時日本料理數得出嘅食品種類都一應俱全，今次蕃薯妹嚟接friend子放工，想食吓壽司，就嚟試吓佢啦😋 🦪時令生蠔 $15 ⭐️推薦👍🏻超抵食！15蚊一隻真·新鮮嘅生蠔，雖然唔係好大隻，但係幾鮮甜，佢嘅蠔身係比較爽口，唔係creamy嗰種，CP值高值得一試😌 🍣特長燒鰻魚壽司 $28 ⭐️推薦👍🏻大癲！咁大條嘅鰻魚壽司都只係$28，佢同壽司拼盤一齊上檯，強烈對比😂 鰻魚夠厚身，好味。 🍣火焰壽司拼盤壽司 $118 6件壽司包括三文魚、帶子、吞拿魚、佐口魚裙邊、劍魚腩、芝士甜蝦，蕃薯妹特別鐘意食火炙過嘅壽司，魚油香經過火炙之後迫曬出嚟🤤 🍣散叫壽司： ❀大八爪魚 $20 ❀海虎蝦 $15 ❀佐口裙邊 $13 ❀黃金魷魚 $17 壽司類全部都唔錯👍🏻 另外餐廳主打相撲壽司（比普通壽司飯量增加20g）可以免費升級挑戰😌 大胃王s唔使怕食極唔飽喇！ 🍲鹿兒島豚肉蜆肉鍋 $72 我哋揀咗豬骨湯底，鍋內有豚肉、沙白蜆、鳴門卷、豆腐、金菇、冬菇、娃娃菜、小棠菜、日本葛絲，可以加$13轉烏冬或加$24轉稻庭烏冬，豚肉略嫌太厚同太瘦，蜆肉好多同埋新鮮，湯底味道不俗，豐富抵食👍🏻 食飽飽想埋單之際，店員話仲有雪糕送返俾我哋食😋 係沖繩海鹽雪糕，好似咸咸哋嘅雲呢拿雪糕，幾得意。 一本食堂 (觀塘) 📍地址：觀塘鴻圖道30號3樓 #missmeow周圍食 #japanrestaurant #japanfood #JapaneseCuisine #sashimi #日本美食 #香港美食 #觀塘美食 #日本菜 #日本料理 #廚師發辦 #Omakase #刺身 #壽司 #相撲壽司 #生蠔 #牡蠣 #Oysters #海膽 #定食 #拉麵 #Ramen #串燒 #hongkong #foodies #foodiesblogger #foodieshk #foodblogger #hkfoodieblogger #openrice #hongkongfood #hongkonggirl #foodpics