鹽味焦糖Twix

噚日一見到大生喺facebook嗰邊出咗個post話有呢隻新裝嘅Twix，我已經決定要買，不嬲都有食Twix啲朱古力，覺得佢係同系嘅朱古力之中最啱食嘅（即係Mars同Snicker嗰啲呢）。 久不久Twix都會推出一啲別注版味道，今次係鹽味焦糖，咁同平日嘅版本有何分別？我試咗，覺得甜度好似稍為比平時減咗少少，咬完一條又真係感受到鹽味喺口腔內逗留，幾有趣，幾好味。 呢隻唔係平日一包有兩條瘦長朱古力咁，佢係一大排裡面有九條獨立包裝嘅短啲嘅朱古力（我目測大概係平時嗰啲嘅2/3嘅長度）即係方便同人分食。唔錯唔錯。 我見同時有賣另一口味嘅Twix係白朱古力，不過我本身對白朱冇咩興趣（甚至有些少抗拒）但如果您對白朱有興趣都可以買嚟食。