「桂花小幸」主打各款台式食品😋😋

🌟餐廳:桂花小幸 📍地址:元朗廣場G樓003 & 005號舖 💰價位:$50~$100 ☎️ 電話:2123 9497 難得今日放假,入去元朗探吓家姐先~黎到元朗廣場,一於嘆番個台式午餐~ 呢間「桂花小幸」主打各款台式小食、養生湯麵/飯套餐,而且佢哋嘅手搖飲品亦好有特色,下午茶時間都幾多人捧場! ——————————————————— 🔹古早味鴨腿麵套餐 -麵底採用台灣麵,口感帶點煙韌有嚼勁,湯底我就加配特濃蕃茄湯,微微酸香又濃稠,麵條又掛湯,食得好滿足~鴨腿用滷水醃製,鹹香味十足,肉質緊緻啖啖肉,好正~ 🔹台式麻油雞湯飯套餐 -家姐就揀左夠哂養生既台式麻油雞湯飯,飽肚又暖胃~麻油雞湯足料得黎,麻油味香濃,雞肉份量十足,質地夠滑嫩,食得好滋味~套餐仲加配左滷水豆腐、滷水蛋及上湯浸時蔬,我哋就最鍾意滷水蛋及滷水豆腐,滷水香醇入味,充滿淡淡藥材及鹹香味,值得一試! 🔹柚子QQ綠茶 及 蜜糖烏龍蘆薈 -兩個套餐都可以加配自家調製台式手搖飲品,性價比十足~ 柚子QQ綠茶酸酸甜甜,茶味香醇解渴,仲加入左清甜嘅椰果,層次感十足~ 蜜糖烏龍蘆薈,清甜得黎又滋潤,加埋粒粒蘆薈,口感豐富,必試~ ——————————————————— 😋味道:4/5 🏢環境:4/5 💁🏻‍♀️服務:4/5 💵價錢:4/5 🤟🏻性價比:4/5 ——————————————————— 👅整體小總結 呢間台式餐廳提供各式台式風味食物,食物種類夠晒多元化,緊有一款啱你心水~ 值得一讚係,台式主食套餐份量十足,更可按自己心水加配台式小食及手搖飲品,性價比十足,價錢又親民~

地址
元朗廣場
香港元朗青山公路-元朗段249-251號
評分
4/5
👍🏻
G
下一篇載入中