瀧宴日本料理 性價比高海景鐵板燒 見到Sugar+開咗間新既日本菜鐵板燒,原來係天后 宴 • Sashimi • 鐵板燒既分店,天后店我食過都幾高質。呢到同天后店一樣可見到海景 Lunch Special Menu $398 季節前菜 🌟日本溫室種菠菜 先食個清爽既木魚絲凍菠菜配鏗魚汁開胃 季節刺身🐟 🌟深海池魚 🌟黑睦 池魚兩食,切成絲後再加蔥、薑蓉調味 ,唔洗點味就可以食,原片池魚食落肉質較爽實 黑睦火炙過外皮,將油脂燒出,食落更香 本日精選壽司🍣 🌟白蝦、🌟依佐木 白蝦好甜糯,依佐木較有咬口,用咗柚子胡椒調味,帶微辣 🌟香煎鵝肝伴自家制醬汁 鵝肝表面煎至焦香,好嫩好重油脂,下面有塊脆脆既多士,醬汁微酸,食落會咁膩 🌟野生大虎蝦 可以先食原味,再加檸檬汁提鮮,蝦肉好爽 🌟香草牛油帆立貝 表面煎至焦香,再加上三文魚籽,醬汁好香牛油味,帆立貝都幾爽 🌟米國頂級牛肉 可以揀厚薄,配生洋蔥加柚子汁,薄中間加咗蔥蒜,厚切食落會比較有口感 🌟鐵板炒飯配海帶麵豉湯 櫻花蝦炒飯,飯粒吵得幾粒粒分明,都唔錯 🌟炒什菜 最後食埋個炒雜菜就完咗呢個set 📍瀧宴日本料理 銅鑼灣糖街25-31號Sugar+26樓 #社群時間囊

地址
瀧宴日本料理
26/F, 26-31 Sugar St, Causeway Bay, 香港
評分
4/5
下一篇載入中