📍荃灣|有驚喜之抵食越南菜🦐🇻🇳

病君 👧🏽 被困一星期後終於放監,同 👦🏻 去荃灣睇行山用品順便覓食,馬拉菜同越南菜最後選擇了後者😌 越式生牛肉牛骨湯河🍜頭湯鮮甜香濃,店員仲推介加兩匙羹蒜、少量辣椒同青檸,牛骨湯即時多左陣蒜油香🧅味道帶點酸辣更惹味。而另人驚喜既係河粉唔會一夾就散,仲爽口彈牙👍🏻 餐牌太多選擇,最後拍板揀左招牌去骨海南雞,貪心既👦🏻加 $𝟪 轉鴛鴦雞。海南雞肉細嫩,但味道偏淡,可以蘸些少醬汁;而蒜香炸雞外皮炸到香脆可口,調味又剛好。薑飯飯粒乾身,仲有一陣椰香味💓 法式芝心蝦多士🦐即叫即炸,滿滿芝麻鋪面,十分香口,中間仲夾住爆醬芝士🧀好邪惡!但食完又無想像中咁膩,絕對推薦❤️ 雞翼控👧🏽少不了三色雞翼拼盤,蒜香雞翼同牛油雞翼味道差不多,一樣炸到十分香脆;酸辣醬汁雞翼比較出色,酸酸甜甜帶點辣,十分惹味 海南雞飯 𝖣𝗂𝗇𝗇𝖾𝗋 𝖲𝖾𝗍 仲包有前菜,無骨鳳爪和紙卷 越南菜少不了滴漏咖啡☕️底層滿滿的煉奶,突然好掛住越南嘅特式𝖢𝖺𝖿𝖾🥺 食咁多油膩野,最岩飲杯水果茶消滯💓 越男仔 🍴荃灣大壩街75號地舖 💰平均消費 𝗛𝗞𝗗𝟭𝟱𝟬 💓法式芝心蝦多士 越式生牛肉牛骨湯河 𝖳𝖺𝗌𝗍𝖾 ♥︎♥︎♥︎♥︎♡ 𝖲𝖾𝗋𝗏𝗂𝖼𝖾 ♥︎♥︎♥︎♥︎♥︎ 𝖣𝖾𝖼𝗈𝗋 ♥︎♥︎♥︎♥︎♡ 𝖧𝗒𝗀𝗂𝖾𝗇 ♥︎♥︎♥︎♥︎♡ 𝖢 / 𝖯 ♥︎♥︎♥︎♥︎♡

平均消費
HK$150
地址
越男仔
香港荃灣大壩街75號
評分
4/5
7月嗰時食過啦!都唔好食既!《個人口味》
下一篇載入中