00後店主一人主理千層蛋糕Cafe 主食有驚喜！

最近有條千層蛋糕癮 於是上網搵咗呢間未食過嘅試下 見到店主係00後 由做千層蛋糕網店起家 當日所見 只得佢一人打理cafe 廚房同樓面都一手一腳包辦 深感佩服 起初諗住佢以甜品為主 對主食沒有太大期望 估唔到有驚喜喎！ 大推紫菜肉鬆窩夫 黑松露卡邦尼意粉其實都唔差 個醬超級濃郁 可惜份量少咗啲 Cafe開喺旺角一個比較冷清嘅位置 鋪面幾細下 唯裝修雅緻 感覺舒服 定價有少少進取 可一試 #蛋糕 #Dessert