任食放題水準以上@二八火鍋

行經呢間火鍋店見到個大海鮮缸，以為只有單點。   點知再望真D，有任食火鍋，仲要每位$228，問完有位就試下啦。   有上下兩層，樓上設有獨立房間，環境都幾舒適唔會太嘈吵。   任飲任食2個鐘，飲品自己出去拎，選擇只得汽水，王老吉，梳打水，罐裝啤酒及自家製飲品，火鍋有凍飲就無問題啦。   多款特色湯底，想比較溫和滋潤D，可以叫呢個竹笙椰子鷄鍋 ($228/半隻)，椰子水中有竹笙，椰子片及粟米，半隻鷄另上(份量相當對眼)。   湯滾就可以落鷄，鷄肉食到有鷄味，烚完肉質都唔韌。   未正式開始火鍋時間，仲有多款小食比你開下胃口，係咁易叫咗撈汁青瓜，炸鮮蝦雲吞，煎午餐肉及椒鹽豆腐粒。入口有熱度，碟椒鹽豆腐粒仲係外脆內軟，拍得住酒樓散叫水準。   牛肉選擇方面，任食都有安格斯牛小排，手切本地吊龍及牛舌心。   薄切牛小排，烚兩烚就已轉色，邊位帶點脂肪，好食。   而吊龍就肉味較出。   牛舌心除咗燒，火鍋都好OK架，好香牛舌味又唔韌，喜歡嘅仲可以一口兩三片。   估唔到牛內臟類都唔少，除咗有黑栢業，牛骨髓外，仲有牛王喉，任食火鍋中都少見。只需烚幾十秒，口感爽脆。   鴛鴦滑可三選二，要咗蝦滑及墨魚滑，一筒可整4-5粒滑。   浮起就食得，入口有驚喜，口感札實得黎又彈牙，墨魚滑中食到墨魚嘅碎粒，真材實料。   香甜嘅椰子鷄湯唔好浪費，叫D索湯之鬼，就例如響鈴，炸支竹及油炸鬼。   蔬菜類如皇帝菜及萵荀條，沈浸於呢個湯底後，仲多一份甜味。 友人點選脆鯇片，水魷，棉花魚肚，呢D都係火鍋熱配。   歡喜食脆鯇片就係佢嘅爽脆口感，呢舊就做到啦。   以任食黎講，無論食材選擇及出品，呢間絶對係中上級，可以放入佐敦區開餐之選清單內。 #ublog #foodie #foodiehk #foodpics #hotpot #jordan       #hotpot #foodie #foodiehk #foodpics #ublog #jordan (此文章由U Blog 同步發佈至社群)