《銅鑼灣炭火地雞🐓 即叫即燒串燒店 🔥》

同爸爸媽媽食過燒烤堂一直覺得幾好食🤤，今次呢間炭火地雞同樣係好多人讚，主打用備長炭即燒嘅串燒，價格貴啲又精緻啲啲。因為即叫即燒🔥預咗落完單要等一等✨ 📍薯仔沙律 ($68) [必點*] 香滑嘅流心蛋加上蟹籽令呢個薯蓉即時升級🤩，薯仔沙律口感軟滑一啲都唔膩，好食💛 📍煙燻雞火腿他他($88) 煙燻雞他他都係第一次食，撈埋蔥花同雞蛋口感滑溜，再用紫菜包住都幾好食 📍雞肝醬多士(2人份)($48) 鬆脆嘅多士塗上雞肝醬，口感幼滑冇怪味，平日唔食內臟嘅我哋都接受到🤎 📍炸日本山芋 ($58) [必點*] 外皮香脆，食落唔油膩配埋個蛋黃醬好有驚喜🤍 . 📍海老卷($48) [必點*] 煙肉包住紫蘇葉同海蝦🦐味道好香，仲好爽口 . 📍炭燒白鱔 ($69) [必點*] 魚肉厚身肥美，食落唔膩又惹味🐟 . 📍免治雞肉棒($38) [必點*] 幾香雞味，仲加咗雞軟骨增加咬口，外層塗滿燒汁再配上蛋漿💛香滑惹味😋 📍A4鹽燒和牛三角腩($68) [必點*] 📍鹽燒牛小排 ($58) 牛肉點咗2款🥩，牛三角同牛小排。牛三角肉質軟腍，油脂甘香🤤。牛小排調味唔錯，但相對較硬身 . 📍䐁五花腩鵪鶉蛋($38) [必點*] 📍䐁五花腩牛油果($38) [必點*] 2款豚五花腩加上燒汁勁惹味，中間分別包住鵪鶉蛋🐣同牛油果🥑，口感軟滑同腩肉好夾，表面仲要加上蛋沙律真係超吸引😍嚟到必食！ 📍親子丼($58) 飯量大概係1-2人份量🍚，雞肉嫰滑又夠多，配上滑蛋同珍珠米都唔錯🐣 📍芝士年糕($48) [必點*] 年糕燒得非常軟糯，口感軟綿綿中間仲有滿滿芝士🧀 📍最中餅配綠茶紅豆雪糕 ($38) [必點*] 外層餅皮薄脆，中間有一大球冰凍嘅綠茶雪糕🍨再加上香甜嘅紅豆🫘 勁好食，必點💚 📍焦糖蕃薯配雪糕 ($88/份) 焦糖香蕉見得多🍌，番薯比較少見。表層加上焦糖脆面造出外脆內軟嘅口感，可惜食落太乾🍠，旁邊香滑嘅雪糕先係亮點🍨，一冷一熱咁食幫蕃薯救番啲分 . 炭火地雞 (銅鑼灣) 銅鑼灣登龍街28號永光中心25樓 . #草根食在銅鑼灣 #銅鑼灣 #Grassrootseaters #草根食串燒 #串燒 #Foodie #Food #社群時間囊 #Hkfood #炭火地雞 #香港美食 #香港 #銅鑼灣日本菜 #銅鑼灣美食