【觀塘 ✦ 🌕空間感大、輕鬆好坐西餐廳🥰🍽️】

今次同男朋友去觀塘發掘左一間好高質既西餐廳😋 餐廳位於觀塘鴻運工業大廈5/F✨ 一進入餐廳，見到環境寧靜、空間感大，有種放鬆既感覺😌 餐廳走文青路線，以木色為主調，放有植物擺設，仲有一d梳化座位🛋️ 感覺舒適悠閑，好適合同三五知己、閨蜜一齊黎靜靜傾計約會👯‍♀️👭 我地喺Dinner Menu叫左兩個餐，每個餐包左前菜、湯、主食、甜品、單品原茶💚好夠飽！ ❥ 紫蘇梅子梳打 落單冇耐，店員送上welcome drink✨ 味道微酸，幾開胃😚 ❥ 蘋果木煙燻北海道帶子 兩粒帶子都大大粒，肉質爽厚柔韌😋 另外配埋日本枝豆、有機粉紅玫瑰菇、紅菜頭蓉，口感豐富，好夠清新☺️🧡 ❥ 原隻煙燻鵪鶉髀(2pcs)伴水果車厘茄田園沙律 鵪鶉髀有兩隻，肉質保持到嫩滑口感！ 以蘋果木略燻，食落香口惹味✨ 田園沙律既份量都唔少🥗酸酸甜甜好開胃😚 ❥ 干邑龍蝦湯 龍蝦湯質地濃稠，好creamy😋 龍蝦味夠晒濃郁，充滿鮮味！ ❥ 台灣有機單品原茶 飲完濃湯後，店員隨即送上有機單品原茶～ 原茶味道清新香醇☕️ 飲落好順滑，帶有少少回甘味～ ❥ 鹿兒島A4和牛西冷 配慢煮和牛面頰伴野菌西蘭花苗•芝士松露手工薯餅 $498 超高質既主食‼️我地揀左5成熟！ 和牛西冷有兩塊，肉質粉嫩，食落油脂甘香，軟腍又重牛味，仲有豐富肉汁😍 和牛面頰都係有兩件，牛味香濃，肉質軟腍，一d韌既感覺都冇😋 特別有驚喜既係芝士松露手工薯餅🤩外層好香脆，鋪滿芝士碎，食到薯仔既鮮甜之餘仲帶有黑松露香氣😙❤️芝士味濃🧀岩晒鍾意薯餅又鍾意芝士既我🤭 ❥ 杜洛克黑毛豬胺伴焦糖菠蘿•野菌西蘭花苗•鴨油洋蔥烤薯仔 $398 我地揀左7成熟～ 豬胺好厚身大件，由於用慢煮方式，肉質好嫩，咬落口超多肉汁💦 完全唔會嚡口🤤 配埋清甜既焦糖菠蘿、香口既野菌西蘭花苗，增添左清新既感覺🌱平衡返油膩感！ 另外以薯仔做配菜，令成道菜口感味道更加豐富😚 ❥ 朱古力撻 朱古力味香濃，外層酥脆，整體唔會太甜😊 📍Relish 觀塘鴻圖道63-65號鴻運工廠大廈5樓B號舖 #秋日推介