《淚之女王》熱播！金秀賢8大完美好老公特徵💕邊點最吸引你？

最近Netflix熱播《淚之女王》大家有無睇呢？睇完真係好想要一個白賢佑咁嘅老公，佢集合咗以下8個特徵係好多人對另一半嘅幻想，唔知佢邊一點最吸引你哋呢？ 1️⃣有勇有謀 首爾大學法律學院嘅高材生，從細個就係「別人家的孩子」，畢業之後就入職大公司。會利用自己嘅法律知識應付牟璱凞母子嘅陰謀，多次幫海仁擺脫危險。 2️⃣完美人設 劇中唔少次提及賢佑細個到依家幾咁優秀，小學組足球比賽亞軍、全國籃球大賽冠軍、數學競賽冠軍、高中參加拳擊比賽獲冠軍、海軍陸戰隊特別警衛等等，識得唔少技能，面對任何問題都可以幫老婆解決。 3️⃣有反差感 雖然好聰明，面對壞人絕對唔係會被恰，但係面對老婆都係超級單純，第七集後記揭曉英淑原來係一隻浣熊嘅名，係海仁做見習生嘅時候呃賢佑公司出沒嘅浣熊，受騙嘅賢佑到依家都相信浣熊嘅存在。 4️⃣主動認錯 賢佑搞清楚自己對海仁仍然有愛之後，開始反省自己之前想離婚嘅諗法有幾衰，每次有人講起離婚嘅時候，賢佑都會主動承認係自己嘅錯誤，絕對唔會推卸責任。 5️⃣日常表達愛意 大部分男人都好少喺老婆面前喊，但係賢佑有唔少次因為心疼老婆而落淚，係一個會表達自己愛意嘅男人，唔會好似其他劇咁，講到好愛老婆，但觀眾完全睇唔出。 6️⃣愛屋及烏 海仁一家被牟璱凞母子陷害，一夜之間變到一無所有連屋都無得住，賢佑二話不說就將佢哋一家接去自己屋企，係一個會保護埋老婆屋企人嘅好男人。 7️⃣不離不棄 得知海仁患上絕症之後，一開始賢佑係諗住暫時唔離婚，等海仁離世後自動恢復單身生活，但過程中發現自己對海仁嘅心意，重新愛上之後一直保護海仁。 8️⃣老婆永遠第一位 離婚消息公佈之後，網上對賢佑嘅惡評如潮，朋友建議可以起訴警告，但賢佑都完全唔在意，不過聽到關於海仁嘅惡評即刻好嬲，仲要起訴呢啲酸民。 不過理想同現實往往都有一段距離，我地都係繼續睇劇FF吓先😭😭 圖片來源：TVN官方IG帳號 #淚之女王#淚之女王劇情#淚之女王更新#Netflix淚之女王#熱播韓劇#韓劇#白賢佑#洪海仁#好老公#婚姻#愛情#情感#攻略#金秀賢#金智媛