韓式高級扒房嘆返個brunch🥳🥳

#全民打卡企劃 Weekend好友帶我去韓式高級扒房嘆咗個brunch，前菜可以feel free to refill，主菜質素佳，最後仲有特色雪糕。 環境時尚型格，地方寬敞舒適，好啱兩個人慢慢嘆返個晏晝，食完要即刻同大家開心share🤝 JJJ House Salad 沙律調味相當清新，帶少少酸調且唔會過份濃味，各款沙律菜都食得出好新鮮！ Scallion Salad 呢款沙律係用左蔥絲以韓式調味既手法涼拌，食落有微微蔥絲既辛辣，好夠韓味～ Korean fried chicken 炸雞即叫即炸，熱辣辣上枱，仲有乾蓮藕片作伴碟。炸雞鮮嫩多汁，食完仲可以encore，正！ Meown Tteokbokki 韓式炒年糕同樣好吸引，年糕好重米香、彈性佳，煙韌有嚼口，加上魚餅一齊食，多重口感勁惹味。 Doenjang Stew 燉大醬湯味道好正宗，熱乎乎湯頭入口醬香濃郁，白菜為湯提供鮮味，湯中肉亦都燉得肥而不膩，微辣滋味、營養滿分～ Kimchi Stew 泡菜湯濃厚醇香，煮過既泡菜帶有酸味，十分開胃，湯中既豆腐滑嫩，豬肉份量十足夠哂足料！ Korean fried rice 韓式炒飯令人相當驚艷！用上濟洲豬肉同炒，配搭埋泡菜簡直perfect match！炒飯底下仲要有飯焦架！脆卜卜，忍唔到口食曬成碗～ 6oz 45 Days Dry Aged USDA Prime Ribeye Steak 肉眼扒燒到5成熟左右，保留肉汁，而且肥瘦適中，脂肪分布平均。用旁邊既菜沾上辣醬再放上蒜片包住一齊食，口感超正吖～ 最後仲有Home-Made Makgeolli Ice cream 雪糕充滿馬格利既酒香，帶少少甜又唔會太濃厚，清爽解膩。 JJJ Korean Steakhouse & Bar (中環) 📍中環雲咸街60號中央廣場地下3號舖