雄記牛腩王✨ 半肥瘦帶點油脂香，啖啖牛味好出色

呢幾日天氣又凍返好多，想食碗熱辣辣嘅湯麵，行過旺角花園街見到呢間雄記牛腩王✨環境光猛潔淨，座位寬敞一啲都唔迫夾～仲有全日套餐好抵食🤟🏻 🔹上湯崩沙腩飯 牛腩部位最矜貴就係崩沙腩，夾在兩層筋膜中～雄記嘅崩沙腩軟腍味香帶點爽脆感，肥瘦適中，牛味仲相當濃郁添！至於飯嘅份量都幾多下，充滿米香😬 🔹牛腩牛筋米線 嗌雙拼粉麵就可以試齊牛腩同埋牛筋！牛腩嫩滑有咬口，半肥瘦帶點油脂香，啖啖牛味好出色！牛筋充滿膠原蛋白，煮至半透明狀，汁多味美、入口即化。米線爽滑又掛湯，軟腍度啱啱好👍🏻 🔹淨雲吞 大大粒雲吞皮薄餡靚，包得實淨～嫩滑外皮包裹住蝦肉同豬肉，層次豐富😋😋 🔹蠔油芥蘭 新鮮翠綠芥蘭配蠔油，絕佳組合🥬 🔹熱好立克、凍檸茶 最後再叫多兩杯嘢飲，食飽飽超滿足❤️ 雄記牛腩王✨ 📍旺角花園街11號地舖 #中菜餐廳#UCreator#打卡美食#美食推介#香港美食#九龍美食#旅行美食