【旺角】果然想食宵夜有時都係要去返旺角

有時收工都已經好夜，想搵間餐廳食少少野，依家都唔係咁容易搵到，好似旺角仲有幾間開到凌晨時間的餐廳，今次就試咗一間都幾唔錯嘅小店 娃娃菜 $13 推薦指數💥：🌝🌝🌝🌝🌚 因為朋友唔食得辣，所以叫咗唔辣，但食落同樣惹味，孜然粉落得很足，但食落又唔會太鹹，都唔錯 惹味饅頭片 $25 推薦指數💥：🌝🌝🌝🌝🌚 雖然話係饅頭片，但其實就饅頭仔燒過，表面再加上蜜糖，不過饅頭仔燒外層香脆，再加少少蜜糖，就算飽都可以食多件 有機菠蘿 $22 推薦指數💥：🌝🌝🌝🌝🌚 菠蘿一啲都唔酸，超級甜，而且燒過，將啲糖再濃縮左，而且唔係死甜，係生果獨有的清甜🤤 燒免治雞肉串 $28/2串 推薦指數💥：🌝🌝🌝🌝🌚 平時食的免治雞肉係日式那種表面搽上醬汁，偏濕潤，而呢一間的免治雞肉串係燒完再加調味料，所以食落比較乾，但唔會太乾，仲食到入面有啲軟骨，脆脆哋，幾好食 厚切牛舌心 $45 推薦指數💥：🌝🌝🌝🌝🌚 唔似平時牛舌心咁薄，有一定厚度，而牛舌心食落彈牙，但唔需要咀嚼太耐，唔會太乾 日本一口和牛粒 $38 推薦指數💥：🌝🌝🌝🌝🌚 唔會燒到乾柴柴，仲可以保持到少許肉汁，而且份量都幾多 蜜糖多士 $13 推薦指數💥：🌝🌝🌝🌝🌚 平時BBQ都好鍾意食燒麵包，所以見到有蜜糖多士就即刻叫嚟食，麵包食落香脆，再加上蜜糖即刻叫人食指大動 蒜蓉原條茄子 $38 推薦指數💥：🌝🌝🌝🌝🌝 超級惹味！就算冇加辣都已經好正，茄子燒到淋曬，吸收晒啲蒜蓉和其他調味料的香味，食到停唔到口 ✨整體來講，價錢唔貴，而且款式都幾多，幾適合同朋友或者同事一齊嚟食宵夜 📍串燒王 地址💬：旺角砵蘭街147號祥興樓地下A號舖 #UCreator#打卡美食#美食推介#香港美食#串燒#串燒店