朗豪坊性價比超高韓式輕食店💰❤️‍🔥必食爆Cream吐司🤤🍓

每次去朗豪坊都會經過呢間韓式輕食餐廳，但成日忽略佢，一次都無食過🤣好奇一望個餐牌又好似唔錯，一於試試佢啦！ 【OPPA 炸雞鐵板三文治】($52) 🥪 不愧係主打爆餡三文治嘅店舖，三文治好厚好足料🤩烤烘過嘅生吐司好好味🤤話明Oppa炸雞，梗係有啲韓國風味啦🇰🇷甜辣醬、泡菜、醋漬蘿蔔絲等配料都令成個三文治食落酸辣開胃🌶夠特別！😝可惜嘅係炸雞唔算好脆🥲否則一定大大加分！ 【芝士龍蝦汁通心粉】($78) 🧀 芝士汁如圖一樣澎湃，根本睇唔到啲通粉😳🤣仲有強勁拉絲效果，芝士迷一定會滿足💛龍蝦汁味明顯但唔算濃，值得一讚嘅係蝦肉份量都算多🦐唔會淨係食到芝士通粉咁Dry～ 【士多啤梨吉士忌廉法式吐司】($48) 🍓 呢個吐司真心震撼到我🥹首先賣相已經好靚🫶🏻吉士忌廉可以話係多到傻咗…😳再加埋吸曬雲呢拿雪糕嘅生吐司同士多啤梨🍦🍓真係超～級滿足😭 仲要因為吉士忌廉真係有啲多嘅關係，我食一半已經覺得夠😂但如果兩個人Share，有咁好食嘅甜品做結尾，就真係一級棒👍🏼除返開都係$24咋！💰 絕對係Encore之選！ 【日本白桃乳酪沙冰】（$42）🍑 飲落白桃味道唔假，有Refreshed嘅感覺😚驚喜嘅係竟然仲有罐頭蜜桃粒粒👍🏼 總結嚟講，我覺得HAND3AG嘅食物都係好食嘅又高性價比嘅💯以上Total食咗$220，細食啲或者邊傾邊食嘅話，三個女仔都可能夠飽🤔如果你都鍾意輕食、成日去旺角而忽略咗佢，不妨試下啦！😋佢喺中環都有分店架！ 綜合評價（5分滿分）： 食物質素：🥪🥪🥪🥪 打卡指數：🥪🥪🥪 環境：🥪🥪🥪 性價比：🥪🥪🥪🥪🥪 📍 HAND3AG 旺角亞皆老街8號朗豪坊B2樓26-27號舖 #熱門菜式 #攻略 #HAND3AG #韓國菜 #輕食 #三文治 #甜品 #芝士 #旺角美食 #旺角必食 #油尖旺