【深水埗區】【雲南風味米綫】

【深水埗區】【雲南風味米綫】呢排缺乏深水埗區嘅 post,夾咗道歉哥過嚟陪我食嘢,之但係大家都唔係話太好胃口,所以揀極都唔啱咁。我就順便講吓以前嚟呢頭會食乜,點知原來道歉哥同呢頭都甚有淵源,真係咁啱得咁橋。講吓講吓咁,即係食咩啫。 我哋同時講起呢間雲南米綫,都覺得佢幾好食,我係好多年前由隔離 team 同事帶我去食過一次,之後冇再食。咁又經過呢度,不如食呢間啦。就係咁,我就同道歉哥入去坐低咗。侍應話如果唔想諗的話,就叫過橋米線啦。 的確係正中咗我嘅心扉,就要 $56 嘅「雲南過橋米綫(全套)」,唔問佢有冇半套咁鹹濕啦。佢呢度嘅雲南過橋米綫嘅湯底、米綫、配料係分開上,同過橋米綫典故嘅做法係一樣,食之前先至將配料同米綫倒落碗湯度嘅。 咁佢碗湯個湯底好特別,又唔鹹又唔太辣,但係幾香濃。配料方面都幾足,有火腿、腩肉、雞肉、豬膶等,又有韮菜、蔥粒、生菜等等,啱啱好唔會太飽。雖然有免費普洱任飲,但我都係叫咗 $8 嘅罐裝「玉泉忌廉」嚟飲。 道歉哥就食 $47 嘅三味小鍋米綫「炸醬腩肉魚蛋」,佢就覺得碗嘢 okay 但就係嫌佢唔夠辣。反而我就覺得唔太辣就啱我呢啲弱者食,所以話呢啲嘢真係「百貨應百客」。咁樣夾埋食咗 $111,以呢個質素嚟講,我係絕對接受嘅。。。 (地址:深水埗汝州街243號地舖) #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #長沙灣 #雲南風味米綫 #雲南過橋米綫 #三味小鍋米綫 #炸醬腩肉魚蛋 #炸醬 #腩肉 #魚蛋 #1am0916 #1ambackup

平均消費
HK$60
地址
雲南風味過橋小鍋米線
香港深水埗營盤街128-134 號元安大廈地下
評分
4/5
下一篇載入中